മണ്ണാർക്കാട് നാലു കിലോ കഞ്ചാവുമായി യുവാവ് പിടിയിൽ. കോട്ടത്തറ ദീപക് നിവാസിൽ സതീഷ് കുമാറിനെയാണ് മണ്ണാർക്കാട് സിഐ ടിപി ഫ‍ർഷാദിന്‍റെ നേതൃത്വത്തിലുള്ള സംഘം അറസ്റ്റ് ചെയ്തത്. അട്ടപ്പാടിയിൽ നിന്നും ബൈക്കിൽ കഞ്ചാവുമായി വരുകയായിരുന്ന സതീഷിനെ പൊലീസ് സാഹസികമായി പിൻതുടർന്ന് പിടികൂടുകയായിരുന്നു. ജില്ലയിലെ കഞ്ചാവ് കടത്ത് സംഘത്തിലെ പ്രധാന കണ്ണിയാണ് പിടിയിലായ സതീഷ്. നേരത്തെ പല തവണ ഇയാൾ പൊലീസിനെ വെട്ടിച്ച് കടന്നുകളഞ്ഞിരുന്നു.