പുന:സംഘടനയുമായി ബന്ധപ്പെട്ട കെ.പി.സി.സി നിര്‍വാഹക സമിതി ഭാരവാഹികളുടെ പുതിയ പട്ടിക വെട്ടിച്ചുരുക്കാനാകില്ലെന്ന് സംസ്ഥാന നേതൃത്വം കോണ്‍ഗ്രസ് ഹൈക്കമാന്റിനെ അറിയിച്ചു.വരുന്ന തെരഞ്ഞെടുപ്പില്‍ പാര്‍ട്ടിക്ക് തിരിച്ചടിയാകുമെന്നും ഹൈക്കമാന്റിനെ അറിച്ചിട്ടുണ്ട്. ജനറല്‍ ബോഡിയിലേക്കാള്‍ കൂടുതല്‍ അംഗങ്ങള്‍ പട്ടികയിലെ എക്സിക്യുട്ടിവ് വിഭാഗത്തിലാണെന്ന് ചൂണ്ടിക്കാട്ടിയാണ് പുന:ക്രമീകരിക്കാന്‍ ഹൈക്കമാന്‍്റ് ആവശ്യപ്പെട്ടത്. പട്ടിക വെട്ടിച്ചുരുക്കുന്നത് പാര്‍ട്ടി പ്രവര്‍ത്തനത്തെ ബാധിക്കുമെന്നും സംസ്ഥാന നേതൃത്വം പറയുന്നു.