സോളാര്‍ കേസ് പ്രതി ബിജു രാധാകൃഷ്ണന്‍ കാറ്റാടി യന്ത്രത്തിന്റെ പേരിലും തട്ടിപ്പ് നടത്തി. ഐ.പി.എസ് ഉദ്യോഗസ്ഥനെന്ന് പരിചയപ്പെടുത്തി തട്ടിപ്പ് നടത്തിയതായി തിരുവന്തപുരം സ്വദേശി എ.ആര്‍. പ്രതാപനാണ് പരാതിപ്പെട്ടത്. സോളാര്‍ തട്ടിപ്പിനു മുമ്പേ 2009ലാണ് ബിജുവും സരിതയും തട്ടിപ്പ് നടത്തിയതെന്ന് പ്രതാപന്‍ പറഞ്ഞു. കാറ്റാടിയന്ത്രം സ്ഥാപിച്ചു നല്‍കാമെന്ന് പറഞ്ഞ് 5 ലക്ഷം രൂപ തട്ടിയതായാണ് പരാതി.2009ല്‍ ഒരു പത്രപ്പരസ്യം വഴിയാണ് ബിജുവും സരിതയുമായി ബന്ധപ്പെടുന്നതെന്ന് വ്യവസായിയായ പ്രതാപന്‍ പറഞ്ഞു.