സമനില തെറ്റിയ ഭരണാധികാരിയുടെ ചെയ്തികളാണ് തലസ്ഥാന നഗരിയില്‍ ദൃശ്യമായിരിക്കുന്നതെന്ന് സി.പി.എം സെക്രട്ടറി പിണറായി വിജയന്‍.കസേര ഒരു വിധത്തിലും സംരക്ഷിക്കാനാകില്ലെന്ന് ഉറപ്പായപ്പോള്‍ മുഖ്യമന്ത്രിയുടേയും ആഭ്യന്തരമന്ത്രിയുടേയും സമനില തെറ്റിയിരിക്കുകയാണ്. അതിന്‍്റെ ഭാഗമായണ് ചരിത്രത്തില്‍ ഇന്നേവരെ കാണാത്ത ആക്രമണം അഴിച്ചു വിട്ടത്. പൊലീസ് രാജാണിവിടെ നടക്കുന്നത്. എം.എല്‍.എമാര്‍ സമാധാനപരമായി ഇരിക്കുന്നിടത്തേക്കാണ് ഗ്രനേഡ് എറിഞ്ഞതെന്നും സി.ദിവാകരനും കടകംപള്ളി സുരേന്ദ്രനുമടക്കം നിരവധി നേതാക്കള്‍ക്കും പ്രവര്‍ത്തകര്‍ക്കും പരിക്കേറ്റിട്ടുണ്ടെന്നും അദ്ദേഹം പറഞ്ഞു. പൊലീസ് ആക്രമണത്തില്‍ പരിക്കേറ്റ് തിരുവനന്തപുരം ജനറല്‍ ആശുപത്രിയില്‍ കഴിയുന്ന എല്‍.ഡി.എഫ് നേതാക്കളെയും പ്രവര്‍ത്തകരെയും സന്ദര്‍ശിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.

എല്ലാ ആഭാസത്തരത്തിനും കൂട്ടുനിന്ന മുഖ്യമന്ത്രിയെ സംരക്ഷിക്കാനാണ്് പൊലീസിന്‍്റെ ചരിത്രത്തില്‍ ഇന്നോളം കാണാത്ത അക്രമം അഴിച്ചു വിട്ടിരിക്കുന്നത്. ആഭാസത്തിന് കൂട്ടുനില്‍ക്കുന്നവരെയാണ് ആഭാസനെന്ന് വിളിക്കുന്നതെന്ന് മുഖ്യമന്ത്രി ഓര്‍ക്കണമെന്നും പിണറായി കുട്ടിച്ചേര്‍ത്തു.