ഇന്ത്യന്‍ നയതന്ത്ര ഉദ്യോഗസ്ഥ ദേവയാനി ഖോബ്രഗഡെ വീട്ടുവേലക്കാരിക്ക്
ശമ്പളം നിഷേധിച്ചു എന്ന ആരോപണത്തിന്‍മേല്‍ അമേരിക്കയില്‍ അറസ്റ്റു
ചെയ്യപ്പെട്ടതും തുടര്‍ന്നുണ്ടായ വിവാദങ്ങളും ഇപ്പോഴും
കെട്ടടങ്ങിയിട്ടില്ല. എന്നാല്‍ മുംബൈയിലെ അമേരിക്കന്‍ നയതന്ത്രജ്ഞന്‍
അയാളുടെ ഫിലിപ്പീന്‍സുകാരിയായ വേലക്കാരിക്ക് നല്‍കുന്ന ശമ്പളം
മണിക്കൂറിന്  മൂന്ന് യുഎസ് ഡോളറിലും കുറവാണ്. അമേരിക്കയിലെ മിനിമം ശമ്പളം
മണിക്കൂറിന് 7.25 ഡോളറാണെന്നിരിക്കെയാണ് അമേരിക്കന്‍ നയതന്ത്രജ്ഞന്‍
ജോലിക്കാരിക്ക് ഇത്ര കുറഞ്ഞ ശമ്പളം നല്‍കുന്നത്.

ഈ സ്ഥാനത്ത് ദേവായാനി കൊടുത്തിരുന്നത് 9.75 ഡോളര്‍ ആയിരുന്നു. ആഴ്ചയില്‍
6 ദിവസമാണ് ഫിലിപ്പീന്‍സുകാരി ജോലി ചെയ്യുന്നത്. ആറു ദിവസവും മുഴുവന്‍
സമയ ജോലിയാണ്. ഇവരുടെ മാസശമ്പളമെന്നത് 458 ഡോളറാണ്. ഓരോ ആഴ്ചയും 40
മണിക്കൂറില്‍ കൂടുതല്‍ ജോലി ചെയ്തിട്ടാണ് ഈ പ്രതിഫലം. ഇവര്‍ക്ക്
വര്‍ഷത്തില്‍ ആകെയുള്ള 12 അവധി ദിനങ്ങള്‍ കൂടാതെ മാസത്തില്‍ 5 ദിവസം
മാത്രമാണ് അവധിയുള്ളത്.

വീട്ടില്‍ പോകുന്നതിനു ഇവര്‍ക്ക് വിമാന ടിക്കറ്റ് പോലും നല്‍കാറില്ല.
യു.എസ് എംബസിക്കും ഇവരുടെ കാര്യത്തില്‍ യാതൊരു ഉത്തരവാദിത്തവുമില്ലാത്ത
സമീപമാണ്. ലോകമൊട്ടാകെയുള്ള അമേരിക്കന്‍ നയതന്തജ്ഞരുടെ ജോലിക്കാരില്‍
പലരും ഒരു ഡോളറിലും താഴെ ശമ്പളത്തിനാണ് ജോലി ചെയ്യുന്നതെന്ന് 2009 ല്‍ സി
എന്‍ എന്‍ റിപ്പോര്‍ട്ടു ചെയ്തിരുന്നു.

ഇന്ത്യന്‍ നയതന്ത്ര ഉദ്യോഗസ്ഥ ദേവയാനി ഖോബ്രഗഡെ