കോഴിക്കോട് പെരുവണ്ണാമുഴിക്കടുത്ത് സ്കൂള്‍ കേന്ദ്രീകരിച്ചുള്ള സെക്സ് റാക്കറ്റില്‍പെട്ട് പെണ്‍കുട്ടി ആത്മഹത്യ ചെയ്യാനിടയായ സംഭവത്തില്‍ മുനുഷ്യാവകാശ കമ്മീഷന്‍ അന്വേഷണം നടത്തും.റാക്കറ്റില്‍ കുടുങ്ങിയ പന്തിരിക്കര സ്വദേശിയായ 14കാരിയാണ് മൂന്ന് മാസം മുമ്പ് ആത്മഹത്യ ചെയ്തത്. മറ്റൊരു പ്ളസ് ടു വിദ്യാര്‍ഥിനി ആത്മഹത്യക്ക് ശ്രമിച്ചെങ്കിലും പരാജയപ്പെട്ടു. പന്തിരിക്കര സ്വദേശിയായ സെറീന എന്ന സ്ത്രീയുടെ നേതൃത്വത്തില്‍ ഒമ്പത് അംഗ സംഘം നിരവധി പേരെ പല സ്ഥലങ്ങളില്‍ കൊണ്ടുപോയി നഗ്നചിത്രങ്ങള്‍ കാണിച്ച് ഭീഷണിപ്പെടുത്തി പീഡിപ്പിക്കുകയായിരുന്നുവെന്ന് പെണ്‍കുട്ടി പൊലീസിന് മൊഴി നല്‍കിയിട്ടുണ്ട്.