മന്ത്രവാദത്തിനിടെ പെൺകുട്ടി ബന്ധുവീട്ടിൽ വെച്ച്​ മരിച്ചതായി സംശയം. വടശ്ശേരിക്കര കുമ്പളത്തുമൺ കലശക്കുഴി പ്രസന്നകുമാറി​​െൻറ മകൾ ആതിര(18) ആണ്​ മരിച്ചത്​. വെള്ളിയാഴ്​ച രാത്രി 9.30 ഒാടെയാണ്​ പെൺകുട്ടിയെ മരിച്ച നിലയിൽ പത്തനംതിട്ട ജനറൽ ആശുപത്രിയിൽ എത്തിച്ചത്​. റാന്നി ​സെൻറ്​ തോമസ്​ കോളജി​െല ഒന്നാം വർഷ ബി.എസ്​.സി വിദ്യാർഥിയാണ്​ മരിച്ച ആതിര.

കൈവെള്ളയിൽ പൊള്ളലി​െൻറയും ശരീരത്തിലും മർദനമേറ്റതി​െൻറയും പാടുകളുണ്ട്​. ശരീരത്തിൽ സുഗന്ധ ദ്രവ്യങ്ങളും ഭസ്​മവും പൂശിയിരുന്നത്​ മന്ത്രവാദത്തിനിടെ കൊല്ലപ്പെട്ടതാണെന്ന സംശയമുണ്ടാക്കി. എന്നാൽ അപസ്​മാര ബാധയുള്ള കുട്ടി ഒരാഴ്​ച മുമ്പ്​ നിലവിളക്കിനു മുകളിൽ വീണ്​ പൊള്ളലേറ്റതാ​െണന്ന്​ പെൺകുട്ടിയുടെ വീട്ടുകാർ അറിയിച്ചു. എന്നാൽ കൈളിൽ കർപ്പൂരം കത്തിച്ച്​ പൊള്ളിച്ചതി​െൻറയും മർദനത്തി​െൻറയും പാടുകൾ കണ്ടതിനെ തുടർന്നാണ്​ ആശുപത്രി അധികൃതർ പൊലീസിനെ വിവരമറിയിച്ചത്​.

പെൺകുട്ടിയുടെ പിതൃസഹോദരനും പത്തനംതിട്ട ഡി.സി.സി ഒാഫീസ്​ സെക്രട്ടറിയുമായ വത്സല​െൻറ ഒാമല്ലൂരിലെ വീട്ടിൽ വെച്ചാണ്​ മന്ത്രവാദം നടന്നതെന്ന്​ പൊലീസ്​ സംശയിക്കുന്നു. . ചോദ്യം ​െചയ്യാനായി പൊലീസ്​ ഇദ്ദേഹത്തെ കസ്​റ്റഡിയിലെടുത്തു. പെൺകുട്ടിയു​​ടെ മൃതദേഹം പോസ്​റ്റ്​മോർട്ടത്തിനായി പത്തനംതിട്ട ജനറൽ ആശുപത്രിയിൽ സൂക്ഷിച്ചിരിക്കുകയാണ്​.