കാലിക്കറ്റ് സര്‍വകലാശാലയിലെ എല്ലാ പഠനവകുപ്പുകളും ഹോസ്റ്റലുകളും അടച്ചിടാന്‍ വൈസ് ചാന്‍സലര്‍ ഉത്തരവിട്ടു. വിദ്യാര്‍ഥി സമരം തുടരുന്ന സാഹചര്യത്തിലാണ് പുതിയ നടപടി. വിദ്യാര്‍ഥികളുടെ ഉപരോധത്തെതുടര്‍ന്ന് വ്യാഴാഴ്ച വൈകുന്നേരം ഓഫീസില്‍ കുടുങ്ങിപ്പോയ കാലിക്കറ്റ് സര്‍വകലാശാല റജിസ്ട്രാര്‍ അബ്ദുള്‍ മജീദിനെയും ജീവനക്കാരെയും രാവിലെ പോലീസ് മോചിപ്പിച്ചിരുന്നു. കായിക വിദ്യാര്‍ഥികള്‍ക്ക് ഹോസ്റ്റല്‍ സൗകര്യം ഏര്‍പ്പെടുത്തിയതുമായി ബന്ധപ്പെട്ടുള്ള പ്രശ്‌നത്തെ തുടര്‍ന്നാണ് വിദ്യാര്‍ഥികള്‍ സമരം നടത്തിയത്.
Comments