അഹ്മദാബാദ്: നരേന്ദ്ര മോദി നല്ല പ്രധാനമന്ത്രിയാണ് എന്നാല് അടല് ബിഹാരി വാജ്പേയിയെ പോലൊരു പ്രധാനമന്ത്രിയെ രാജ്യം ഇതുവരെ കണ്ടിട്ടില്ലെന്ന് മുതിര്ന്ന ബി.ജെ.പി നേതാവ് എല്.കെ അദ്വാനി.
പ്രധാനമന്ത്രി എന്ന നിലയില് നരേന്ദ്ര മോദിയുടെ പ്രവര്ത്തനത്തില് അഭിമാനമുണ്ട്. ഉത്തരവാദിത്തത്തോടെ പ്രവര്ത്തിക്കുന്ന പ്രധാനമന്ത്രി രാജ്യത്തിന്റെ ആരാധന നേടുന്നതില് വിജയിച്ചെന്നും അദ്വാനി പറഞ്ഞു. അഹ്മദാബാദില് പാര്ട്ടി പ്രവര്ത്തകരെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
പ്രധാനമന്ത്രിയെന്ന നിലയില് മികച്ച ഭരണം കാഴ്ചവെച്ചാല് മാത്രം പോര, മറ്റു രാജ്യങ്ങളുമായി നല്ല ബന്ധം സ്ഥാപിക്കുകയും വേണം. തെരഞ്ഞെടുപ്പിലൂടെ ജനങ്ങളുടെ അംഗീകാരം നേടിയ മോദി ഇപ്പോള് ലോകത്തിന്റെ അംഗീകാരവും നേടി. എന്നാല് ഇന്ത്യയുടെ ചരിത്രത്തില് വാജ്പേയിയെ പോലൊരു പ്രധാനമന്ത്രി ഉണ്ടായിട്ടില്ല. വാജ്പേയിക്ക് ലഭിച്ച ആദരവ് മറ്റൊരാള്ക്കും സങ്കല്പ്പിക്കാന് കഴിയില്ലെന്നും അദ്വാനി പറഞ്ഞു. ബി.ജെ.പിയുടെയും ആര്.എസ്.എസിന്റെയും ചരിത്രത്തെക്കുറിച്ച് പ്രവര്ത്തകര് ബോധവാന്മാരായിരിക്കണമെന്നും അദ്വാനി ആവശ്യപ്പെട്ടു.
Comments