ന്യൂഡല്‍ഹി: ജയലളിതക്ക്നീതി ലഭ്യമാക്കണമെന്നാവശ്യപ്പെട്ട് പാര്‍ലമെന്‍റിലെ ഗാന്ധി പ്രതിമക്കുമുന്നില്‍ എ.െഎ.എ.ഡി.എം.കെ എം.പിമാരുടെ നിരാഹാര സമരം. രാവിലെ ആരംഭിച്ച സമരം വൈകിട്ട് അഞ്ച് മണിവരെ തുടരുമെന്ന് എ.െഎ.എ.ഡി.എം.കെ പാര്‍ലമെന്‍ററി പാര്‍ട്ടി നേതാവ് പി.വേണുഗോപാല്‍ പറഞ്ഞു.
ജാമ്യം അനുവദിക്കുന്നതില്‍ കാലതാമസം വരുത്തുന്നത് രാജ്യത്തിന്‍റെ ശ്രദ്ധയിലെത്തിക്കാനാണ് നിരാഹാര സമരം നടത്തുന്നതെന്ന് അദ്ദേഹം പറഞ്ഞു. ജാമ്യാപേക്ഷ പരിഗണിക്കുന്നതില്‍ കാലതാമസം എന്താണെന്നും ജയലളിതക്ക് അടിയന്തരമായി ജാമ്യം അനുവദിക്കണമെന്നും പി.വേണുഗോപാല്‍ ആവശ്യപ്പെട്ടു.
അനധികൃത സ്വത്ത് സമ്പാദനകേസില്‍ ശിക്ഷിക്കപ്പെട്ട ജയലളിത ബംഗളൂരുവിലെ പരപ്പന അഗ്രഹാര ജലജിലാണ്. നാലുവര്‍ഷം തടവും100 കോടി രൂപ പിഴയുമാണ് ശിക്ഷ. ജാമ്യം അനുവദിക്കണമെന്നും ശിക്ഷാ വിധി റദ്ദാക്കണമെന്നും ആവശ്യപ്പെട്ട്ജയലളിത സമര്‍പ്പിച്ച ഹര്‍ജി ചൊവ്വാഴ്ച പരിഗണിക്കും.
Comments