ആലപ്പുഴ : പ്രധാനമന്ത്രിക്കു ഗാന്ധിജിയുടെ ശരിയായ പേരു പറയാന്‍ കഴിയാഞ്ഞതു കടുപ്പമായിപ്പോയി എന്നു കെ.പി.സി.സി. പ്രസിഡന്റ് വി.എം. സുധീരന്‍.അമേരിക്കയിലെത്തിയ പ്രധാനമന്ത്രി നരേന്ദ്രമോദി അവിടെ മഹാത്മജിയുടെ പേര് തെറ്റായി ഉച്ചരിച്ച് അദ്ദേഹത്തെ അനാദരിച്ചു.മോഹന്‍ദാസ് കരംചന്ദ് ഗാന്ധി എന്നു പറയേണ്ടതിനു പകരം മോദി പറഞ്ഞത് മോഹന്‍ലാല്‍ എന്നാണ്.ആലപ്പുഴ ടൗണ്‍ ഹാളില്‍ ജില്ലയിലെ കോണ്‍ഗ്രസ് ബൂത്തു പ്രസിഡന്റുമാരുടെ സമ്മേളനത്തില്‍ സംസാരിക്കുകയായിരുന്നു അദ്ദേഹം. കെ.സി. വേണുഗോപാല്‍ എം.പി.യും പ്രസംഗിച്ചു. ഡി.സി.സി. പ്രസിഡന്റ് എ.എ. ഷുക്കൂര്‍ അധ്യക്ഷനായിരുന്നു.ആഭ്യന്തരമന്ത്രി രമേശ് ചെന്നിത്തല മുഖ്യപ്രഭാഷണം നടത്തി. കൊലക്കേസ് അന്വേഷണം സി.ബി.ഐ.ക്കു വിട്ടതിനു സി.പി.എം. എന്തിനു വിറളി പിടിയ്ക്കണമെന്ന് അദ്ദേഹം ചോദിച്ചു.