തമിഴ്‌നാട് മുഖ്യമന്ത്രി ജയലളിതയെ ശ്രീലങ്കന്‍ പ്രതിരോധ വകുപ്പിന്റെ വെബ്‌സൈറ്റ് പരിഹസിച്ചതിനെതിരെ പാര്‍ലമെന്റില്‍ പ്രതിഷേധം. രാജ്യസഭയിലും ലോക്‌സഭയിലും എ.ഐ.എ.ഡി.എം.കെ അംഗങ്ങള്‍ ബഹളമുണ്ടാക്കി. വിഷയത്തെ അപലപിക്കാന്‍ തയ്യാറാകാത്ത ഇന്ത്യന്‍ സര്‍ക്കാരിനെ എ.ഐ.എ.ഡി.എം.കെ എം.പി എം.തമ്പിദുരൈ വിമര്‍ശിച്ചു. ഇരുസഭകളിലും എ.ഐ.എ.ഡി.എം.കെ അംഗങ്ങള്‍ ശ്രീലങ്കന്‍ പ്രസിഡന്റിനെതിരെ മുദ്രാവാക്യം വിളിച്ചു. ബഹളത്തെത്തുടര്‍ന്ന് രാജ്യസഭയും ലോക്‌സഭയും രണ്ട് മണിവരെ നിര്‍ത്തിവെച്ചു.