വാളയാർ കേസിൽ പ്രതികളെ വെറുതെ വിട്ടതിന് എതിരെ സർക്കാർ നൽകിയ അപ്പീൽ ഹൈക്കോടതി ഫയലിൽ സ്വീകരിച്ചു. കേസിലെ പ്രതികൾക്ക് ഹൈക്കോടതി നോട്ടീസ് അയച്ചു.വാളയാർ കേസിൽ തുടരന്വേഷണം വേണം, പുനർവിചാരണ വേണം എന്നീ ആവശ്യങ്ങൾ ഉന്നയിച്ച് കഴിഞ്ഞ ദിവസമാണ് സർക്കാർ അപ്പീൽ സമർപ്പിച്ചത്. ഇന്ന് അപ്പീൽ ഫയലിൽ സ്വീകരിക്കുകയായിരുന്നു. പ്രതികൾക്ക് അയച്ച നോട്ടീസിൽ മറുപടി ലഭിച്ച ശേഷം ഹൈക്കോടതി തുടർനടപടി സ്വീകരിക്കും. വിഷയത്തിലെ സർക്കാർ വാദവും കോടതി കേൾക്കും.