മത്സ്യബന്ധനത്തിനിടെ ശ്രീലങ്കന്‍ നാവികസേന കഴിഞ്ഞയാഴ്ച പിടികൂടിയ 29 ഇന്ത്യന്‍ മത്സ്യത്തൊഴിലാളികളെ വിട്ടയയ്ക്കാന്‍ പ്രസിഡന്റ് മഹീന്ദ രാജപാക്‌സെ ഉത്തരവിട്ടു. മത്സ്യത്തൊഴിലാളികളെ 16 വരെ റിമാന്‍ഡ് ചെയ്യാന്‍ മാന്നാറിലെ മജിസ്‌ട്രേട്ട് കോടതി ഉത്തരവിട്ടിരുന്നു. എന്നാല്‍ , ഇന്ത്യയിലെ പുതിയ സര്‍ക്കാരുമായുള്ള നല്ലബന്ധം പരിഗണിച്ചാണ് 26 പേരെയും വിട്ടയയ്ക്കാന്‍ ഉത്തരവിട്ടതെന്ന് രാജപാക്‌സെയുടെ വക്താവ് പറഞ്ഞു. കച്ചിത്തീവിനടുത്ത് മത്സ്യബന്ധം നടത്തവെ മെയ് 31 ന് രാത്രിയാണ് ഇന്ത്യന്‍ മത്സ്യത്തൊഴിലാളികളെ ശ്രീലങ്കന്‍ നാവികസേന പിടികൂടിയത്. തമിഴ്‌നാട്ടിലെ രാമേശ്വരം സ്വദേശികളാണ് പിടിയിലായവര്‍ .
Comments