തിരുവനന്തപുരം:ഗെയ്ല്‍ ട്രെഡ്‌വെല്‍ മകളെപ്പോലെയാണെന്നു മാതാ അമൃതാനന്ദമയി. ട്രെഡ്‌വെലിനോട് യാതൊരു വിദ്വേഷവുമില്ല.അമ്മയെ പെറ്റമ്മയെപ്പോലെ കാണൂന്നവര്‍ക്ക് ഇതൊന്നും ക്ഷമിക്കാന്‍ പറ്റുമോ എന്നറിയില്ല. അവള്‍ എന്നും മകളെപ്പോലെ തന്നെയായിരിക്കുമെന്ന് അമൃതാനന്ദമയി പറഞ്ഞു.ഗെയ്ല്‍ ആശ്രമത്തിലേക്ക് വന്നത് ഇന്നലെ കഴിഞ്ഞപോലെ ഓര്‍ക്കുന്നു. ആരാണെന്നോ എന്താണെന്നോ ഒന്നും ചോദിക്കാതെയാണ് അവളെ സ്വീകരിച്ചത്. ആ മോളെ സ്വീകരിക്കുക മാത്രമേ ചെയ്തുള്ളൂ. പക്ഷേ എന്തുകൊണ്ടാണ് ഇങ്ങനെയൊക്കെ എഴുതിയതെന്ന് മനസിലാകുന്നില്ല.പ്രതികരണവും പ്രതികാരവുമൊന്നും തന്റെ രീതിയല്ല. എന്നാല്‍, ഇങ്ങനെയൊരു സംഭവമുണ്ടായതില്‍ എന്റെ ഭക്തര്‍ക്ക് വലിയ ദു:ഖമുണ്ട്.സഹിക്കാനും ക്ഷമിക്കാനും പ്രശ്‌നങ്ങള്‍ ഒഴിവാക്കാനുമാണ് ഞാന്‍ അവരോട് പറഞ്ഞത്.