മൂന്നാം ബദല്‍ വേണ്ടത് കേരളത്തിലാണെന്ന് നരേന്ദ്ര മോദി പറഞ്ഞു. കേരളത്തിലെ ഇന്നത്തെ പ്രശ്‌നങ്ങള്‍ക്ക് കാരണം ഇവിടെ ഭരിച്ച ഇടതു വലതു മുന്നണികളാണെന്നും ഈ മുന്നണികള്‍ പരസ്പരം നിഴല്‍യുദ്ധമാണ് നടത്തുന്നതെന്നും മോദി കുറ്റപ്പെടുത്തി. ഈ ഒത്തുകളി കാരണമാണ് ടി.പി.ചന്ദ്രശേഖരന്‍ വധക്കേസിലെ യഥാര്‍ഥ പ്രതികള്‍ രക്ഷപ്പെട്ടതെന്നും മോദി കുറ്റപ്പെടുത്തി. കേരളത്തിലെ അമ്മമാര്‍ കെ.കെ.രമയുടെ ദു:ഖത്തിനൊപ്പം നില്‍ക്കണമെന്നും മോദി പറഞ്ഞു.
ശംഖുമുഖം കടപ്പുറത്ത് നടന്ന ബി.ജെ.പി.യുടെ മഹാസമ്മേളനത്തില്‍ സംസാരിക്കുകയായിരുന്നു അദ്ദേഹം.