പിറവം പള്ളിയിൽ തമ്പടിച്ചിരിക്കുന്ന യാക്കോബായ വിഭാഗക്കാരെ നീക്കം ചെയ്യാൻ പോലീസ് ബലമായി പള്ളിയിൽ പ്രവേശിച്ചു. പിറവം പള്ളിയുടെ പ്രധാനഗേറ്റിന്റെ പൂട്ട് പൊളിച്ചാണ് പോലീസ് ഉള്ളിൽ കടന്നത്. പോലീസിനെ തടഞ്ഞ പ്രതിഷേധക്കാരെ അറസ്റ്റ് ചെയ്ത് നീക്കുകയാണ്.വിശ്വാസികളുടെ ആത്മഹത്യാഭീഷണി നിലവിലുള്ളതിനാൽ കെട്ടിടത്തിന്റെ മുകളിലേക്ക് പോലീസ് കയറിയിട്ടുണ്ട്. സ്ഥലത്ത് വലിയ സംഘർഷാവസ്ഥയാണ് നിലനിൽക്കുന്നത്. കോടതി ഉത്തരവുണ്ടായെങ്കിലും പള്ളിയിൽനിന്ന് ഇറങ്ങില്ലെന്ന നിലപാടിലാണ് യാക്കോബായ വിഭാഗം. വിശ്വാസികളോട് പിരിഞ്ഞു പോകേണ്ടതില്ലെന്നും വേണ്ടിവന്നാൽ അറസ്റ്റ് വരിക്കുമെന്നും മെത്രാന്മാരും പുരോഹിതരും പറഞ്ഞു.