ആം ആദ്മി പാര്ട്ടി നേതാവ് അരവിന്ദ് കെജ്രിവാളിന് തിരഞ്ഞെടുപ്പ് പ്രചരണത്തിനിടെ മുഖത്ത് അടി. വടക്കു പടിഞ്ഞാറന് ഡല്ഹിയിലെ സുല്ത്താന്പുരിയില് റോഡ് ഷോയ്ക്കിടെ ഒരു ഓട്ടോ ഡ്രൈവറാണ് കെജ്രിവാളിനെ മര്ദിച്ചത്. റോഡ്ഷോയ്ക്കിടെ മാല ചാര്ത്തിയശേഷം ഓട്ടോ ഡ്രൈവര് മുഖത്തടിക്കുകയായിരുന്നു. കണ്ണിന് താഴെയാണ് അദ്ദേഹത്തിന് അടികിട്ടിയത്. ആക്രമണം നടത്തിയ ഓട്ടോ ഡ്രൈവറെ ആം ആദ്മി പാര്ട്ടി പ്രവര്ത്തകര് പിടികൂടി മര്ദിച്ച് പോലീസില് ഏല്പിച്ചു. ഇയാള് ആം ആദ്മി പാര്ട്ടി പ്രവര്ത്തകനാണെന്ന് അഭ്യൂഹമുണ്ട്. ജനങ്ങള്ക്ക് നല്കിയ വാഗ്ദാനം പാലിക്കാത്തതില് പ്രതിഷേധിച്ചാണ് താന് കെജ്രിവാളിനെ അടിച്ചതെന്ന് ഇയാള് പോലീസിന് മൊഴി നല്കി.
Comments