ന്യൂഡല്ഹി: മദ്യനയം സംബന്ധിച്ച് കെ.പി.സി.സി അധ്യക്ഷന് വി.എം സുധീരന് പറഞ്ഞതാണ് പാര്ട്ടി നിലപാടെന്ന് കോണ്ഗ്രസ് വക്താവ് പി.സി ചാക്കോ. മഹാത്മഗാന്ധിയുടെ കാലം മുതല് മദ്യവര്ജനം കോണ്ഗ്രസിന്െറ നയമാണ്. അതാണ് സുധീരന് പറഞ്ഞത്. മദ്യനയം പാര്ട്ടി വിശദമായി ചര്ച്ച ചെയ്തിരുന്നതായും ചാക്കോ പറഞ്ഞു.
സുധീരന്െറ നിലപാടിനെ ആരും എതിര്ത്ത് പറഞ്ഞിട്ടില്ല. പരസ്യവിവാദത്തില് നിന്ന് വിട്ടുനില്ക്കുക എന്നത് എല്ലാവര്ക്കും ബാധകമാണെന്നും അദ്ദേഹം വ്യക്തമാക്കി.
ഷാനിമോളുടെ കാര്യത്തില് ജനാധിപത്യപരമല്ലാതെ ഒരു നടപടിയും സുധീരന് സ്വീകരിച്ചിട്ടില്ലെന്നും ചാക്കോ വാര്ത്താലേഖകരോട് പറഞ്ഞു.
Comments