ലോറന്‍സ് ഫിലിപ്പ്(40) കാലിഫോര്‍ണിയ ജയിലില്‍ മരിച്ച നിലയില്‍
Text Size 
പി .പി .ചെറിയാൻ
p_p_cherian@hotmail.com
Story Dated: Thursday, January 14, 2016 11:53 hrs UTC
കാലിഫോര്‍ണിയ: മുന്‍ എന്‍.എഫ്.എല്‍ ഫുട്‌ബോള്‍താരവും, വധക്കേസ്സില്‍ വിചാരണ നേരിടുകയും ചെയ്തിരുന്ന ലോറന്‍സ് ഫിലിപ്പ്(40) കാലിഫോര്‍ണിയ കണ്‍ വാലി ജയിലില്‍ ഇന്ന്(ജനുവരി 13 ബുധന്‍) രാവിലെ മരിച്ച നിലയില്‍ കണ്ടെത്തിയതായി കാലിഫോര്‍ണിയ, കറക്ഷന്‍ ഡിപ്പാര്‍ട്ട്‌മെന്റ് സ്‌പോക്ക്‌സ് വുമണ്‍ ടെറി നോണ്‍ടന്‍ വെളിപ്പെടുത്തി.
പരിശോധനയ്‌ക്കെത്തിയ ജയില്‍ ഉദ്യോഗസ്ഥന്‍ സെല്ലില്‍ അബോധാവസ്ഥയില്‍ കണ്ടെത്തിയ ലോറന്‍സിനെ ഉടനെ പുറത്തുള്ള ആശുപത്രിയില്‍ എത്തിച്ചുവെങ്കിലും ഇതിനകം മരണം സംഭവിച്ചിരുന്നു.
ജയിലില്‍ കഴിഞ്ഞിരുന്ന സഹതടവുക്കാരനെ കൊലപ്പെടുത്തിയ കേസ്സില്‍ ഇന്നലെയായിരുന്ന ഫിലിപ്പിന്റെ പ്രാഥമിക വിചാരണ. ഈ കേസ്സില്‍ ലോറന്‍സിനെതിരെ വ്യക്തമായ തെളിവുകള്‍ സുപ്പീരയര്‍ കോടതിയിലെ ജഡ്ജി കണ്ടെത്തിയിരുന്നു. വധശിക്ഷ മിക്കവാറും ഉറപ്പായ സാഹചര്യത്തില്‍ സ്വയം സെല്ലില്‍ ജീവനൊടുക്കിയതാണോ എന്നും പോലീസ് സംശയിക്കുന്നു.
Comments