You are Here : Home / News Plus

ഗുജറാത്തിലെ റാണ്‍ ഒഫ് കച്ച്‌ തീരത്തുനിന്നും രണ്ട് പാകിസ്ഥാനി ബോട്ടുകള്‍ കണ്ടെടുത്തു

Text Size  

Story Dated: Sunday, August 25, 2019 07:47 hrs UTC

ഇന്ത്യ പാക് അതിര്‍ത്തിയോടു ചേര്‍ന്ന് കിടക്കുന്ന ഗുജറാത്തിലെ റാണ്‍ ഒഫ് കച്ച്‌ തീരത്തുനിന്നും രണ്ട് പാകിസ്ഥാനി ബോട്ടുകള്‍ കണ്ടെടുത്തു. ബോര്‍ഡര്‍ സെക്യൂരിറ്റി ഫോഴ്‌സ്(ബിഎസ്‌എഫ്) ആണ് കച്ചിലെ ഹറാമി നള ഭാഗത്ത് നിന്ന് ഈ ബോട്ടുകള്‍ കണ്ടെടുത്തത്. ഉപേക്ഷിക്കപ്പെട്ട നിലയില്‍ കണ്ടെത്തിയ ബോട്ടുകള്‍ മത്സ്യ ബന്ധനത്തിനായി ഉപയോഗിക്കുന്നതാണെന്നാണ് പ്രാഥമിക അനുമാനം.
 

സിംഗിള്‍ എഞ്ചിനുകളാണ് കണ്ടെടുത്ത രണ്ട് ബോട്ടുകളും. ബോട്ടുകള്‍ കണ്ടെത്തിയതിനെ തുടര്‍ന്ന് ഈ പ്രദേശത്ത് ബിഎസ്‌എഫ് തിരച്ചില്‍ ഊര്‍ജിതമാക്കിയിട്ടുണ്ട്. അതേ സമയം 2008ലെ മുംബൈ ആക്രമണം നടത്താന്‍ പാക് ഭീകരവാദികള്‍ എത്തിയതും ബോട്ടുകളിലായിരുന്നു. ശനിയാഴ്ച്ച പുലര്‍ച്ചെ 6:30നാണ് ബോട്ടുകള്‍ സൈന്യം കണ്ടെത്തുന്നത്. കച്ചിലെ സര്‍ ക്രീക്ക് പ്രദേശത്തുള്ള ചളി നിറഞ്ഞ ആഴമില്ലാത്ത വാട്ടര്‍ ചാനലാണ് ഹറാമി നള. ഇതിനു മുന്‍പും ഈ ഭാഗത്ത് നിന്ന് മത്സ്യബന്ധന ബോട്ടുകളും മറ്റും ഉപേക്ഷിക്കപ്പെട്ട നിലയില്‍ ബിഎസ്‌എഫ് കണ്ടെടുത്തിട്ടുണ്ട്. കഴിഞ്ഞ മേയില്‍ ഇത്തരത്തില്‍ ബോട്ടുകള്‍ കണ്ടെടുത്തപ്പോള്‍ ഇതിലുണ്ടായിരുന്ന പാക് മീന്‍പിടുത്തക്കാര്‍ ഓടി രക്ഷപ്പെട്ടിരുന്നു. എന്നാല്‍ സംശയാസ്പദമായി ഇതുവരെ ഒന്നും കണ്ടെടുത്തില്ല.

 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From News Plus
More
View More
More From Featured News
View More
More From Trending
View More