മുഖ്യമന്ത്രിയുടെ മുന്‍ ഗണ്‍മാന്‍ സലിംരാജ് ആരുടെ ബിനാമിയാണെന്ന് ഹൈക്കോടതി. തിരുവനന്തപുരത്തെ 12.27 ഏക്കര്‍ വസ്തുവിനെക്കുറിച്ച് കടകംപിള്ളി സ്വദേശി പ്രേംചന്ദ് ആര്‍ നായരും മറ്റും സമര്‍പ്പിച്ച ഹര്‍ജി പരിഗണിക്കുമ്പോളാണ് ജസ്റ്റിസ് ഹാറുണ്‍ അല്‍ റഷീദ് വിമര്‍ശിച്ചത്.
വെറും പോലീസ് കോണ്‍സ്റ്റബിളായ ഇയാള്‍ക്ക് കോടികളുടെ ഭൂമിയിടപാടിന് പണം എവിടെ നിന്ന് ലഭിച്ചു? ഇയാളുടെ സാമ്പത്തിക സ്രോതസ് എന്താണ്? ആരൊക്കെയാണ് ഇയാളുടെ പുറകില്‍ ? സലിം രാജിന്റെ ഭാര്യയെ സ്ഥലം മാറ്റിയത് ലാന്‍ഡ് റവന്യൂ കമ്മീഷണര്‍ ഓഫീസില്‍ അവര്‍ നല്‍കിയ അപേക്ഷയെ തുടര്‍ന്നാണെന്ന് സര്‍ക്കാര്‍ ഹൈക്കോടതിയില്‍ അറിയിച്ചു. ഇക്കാര്യത്തില്‍ കൂടുതല്‍ വിശദീകരണം കോടതി ആവശ്യപ്പെട്ടിട്ടുണ്ട്.
Comments