നീറ്റ് റദ്ദാക്കിയ വിധി സുപ്രീംകോടതി പുന:പരിശോധിക്കും. കേന്ദ്ര സര്‍ക്കാരും സങ്കല്‍പ് എന്ന സന്നദ്ധ സംഘടനയും നല്‍കിയ റിവ്യു ഹര്‍ജി പരിഗണിച്ചാണ് ജസ്റ്റിസ് എച്ച്. എല്‍ . ദത്തു അധ്യക്ഷനായ മൂന്നംഗ ബെഞ്ച് മുന്‍ ചീഫ് ജസ്റ്റിസ് അല്‍ത്തമാസ് കബീര്‍ അധ്യക്ഷനായ മൂന്നംഗ ബെഞ്ചിന്റെ വിധി പുന:പരിശോധിക്കാന്‍ തീരുമാനിച്ചത്. കേസിലെ കക്ഷികള്‍ക്ക് നോട്ടീസ് അയക്കാന്‍ കോടതി തീരുമാനിച്ചു.
മെഡിക്കല്‍, ഡെന്റല്‍ ബിരുദബിരുദാനന്തര കോഴ്‌സുകളിലേക്ക് ദേശീയതലത്തില്‍ നടത്തുന്ന ഏകീകൃത പൊതുപ്രവേശന പരീക്ഷയായ നീറ്റ് റദ്ദാക്കിക്കൊണ്ടുള്ള അല്‍ത്തമാസ് കബീര്‍ അധ്യക്ഷനായ ബെഞ്ചിന്റെ ഉത്തരവ് വലിയ വിവാദങ്ങസൃഷ്ടിച്ചിരുന്നു.
Comments