പണ്ടു പണ്ടു നടന്ന ഒരു സംഭവകഥ ഓര്‍മ്മിച്ചു. പമ്പാനദിയുടെ കുറുകെയുള്ള വടശ്ശേരിക്കര പാലം ഒന്നു കുലുങ്ങി. ആ കാലത്ത് വടശ്ശേരിക്കര വനനിബിഡമായിരുന്നു. വൈകുന്നേരമായപ്പോള്‍ ഒരു ചുണ്ടെലി രണ്ടെണ്ണം വീശിയിട്ട് ചുവന്ന തോര്‍ത്തു കൊണ്ട് തലയിലൊരു കെട്ടുകെട്ടി, കാജാബീഡി പുകച്ചു കൊണ്ട് വടശ്ശേരിക്കര ചന്തയിലിറങ്ങി ഒരു വിലസു വിലസി: 'അറിഞ്ഞാരുന്നോടാ നായിന്റെ മക്കളെ.... ഞാനും പുലിയച്ചനും കൂടി പാലം കുലുക്കിയത്. ഏതവനെങ്കിലും കണ്ടോടാ കഴുവറട മക്കളേ... കളി ഞങ്ങളോടു വേണ്ടാ- ഇനി കളിച്ചാല്‍ ഞാനും പുലിയച്ചനും കൂടി പാലം തകര്‍ക്കും-' നീട്ടിയൊരു തുപ്പു തുപ്പിയിട്ട് ചുണ്ടെലി ഏതോ മാളത്തിലൊളിച്ചു.