ഫിലാഡല്ഫിയ: ഒട്ടേറെ പ്രത്യേകതകളുമായി ഫോമയുടെ നാലാമത് അന്തര്ദേശീയ കണ്വന്ഷന് ഫിലാഡല്ഫിയയ്ക്ക് സമീപമുള്ള വാലി ഫോര്ജ് കണ്വന്ഷന് സെന്ററില് കൊടി ഉയരാന് ആഴ്ചകള് മാത്രം ബാക്കി നില്ക്കെ കണ്വന്ഷന് കമ്മിറ്റികളെല്ലാം വളരെ ഉത്സാഹത്തോടെ പ്രവര്ത്തനങ്ങളുമായി മുന്നോട്ടുപോകുന്നു.
വ്യത്യസ്തങ്ങളായ ഒട്ടേറെ വിഭവങ്ങളാണ് ഫോമ ഒരുക്കുന്നത്. ഫോമാ ദേശീയ വോളിബോള്, ബാസ്കറ്റ് ബോള്, 56 കളി മത്സരം, യുവജനോത്സവം, ഏകാംഗ നാടകമത്സരം തുടങ്ങി മിസ് ഫോമ, ബെസ്റ്റ് കപ്പിള്സ്, മലയാളി മങ്ക, യംഗ് പ്രൊഫഷണല് സമ്മിറ്റ്, ചിരിയരങ്ങ്, സാഹിത്യ സമ്മേളനം തുടങ്ങി ഒട്ടേറെ ചരിത്ര മുഹൂര്ത്തങ്ങള് ഫോമ അമേരിക്കന് മലയാളികള്ക്കായി ഒരുക്കുന്നു.
പ്രശസ്ത സംഗീത മാന്ത്രികന് സ്റ്റീഫന് ദേവസിയും കൂട്ടരും ഒരുക്കുന്ന സംഗീതവിരുന്ന്, വിജയ് യേശുദാസ്, ശ്വേതാ മോഹന്, രമ്യാ നന്വീശന് എന്നിവര് ചേര്ന്ന് ഒരുക്കുന്ന കലാസന്ധ്യ `ഓള്ഡ് ഈസ് ഗോള്ഡ്' എന്ന പഴയ ഗാനങ്ങളുടെ സംഗീത വിരുന്ന് തുടങ്ങി കലാപരിപാടികളുടെ ഒരു കൊടിയേറ്റമാണ് ഫോമായില്.
ഹോട്ടലില് താമസവും ഭക്ഷണവും അടങ്ങിയ പാക്കേജ്, വീടുകളില് താമസിച്ച് കണ്വന്ഷന് മാത്രം പങ്കെടുക്കാനും, ഏതെങ്കിലും ഒരു ദിനം മാത്രം പങ്കുചേരുവാനും ഫോമാ അവസരം ഒരുക്കുന്നുണ്ട്.
ജൂണ് 27-ന് വെള്ളിയാഴ്ച വൈകുന്നേരം 5 മണിക്ക് കേരളത്തിന്റെ പൈതൃകം വിളിച്ചറിയിക്കുന്ന ഘോഷയാത്രയില് പെന്സില്വേനിയ ഗവര്ണറും, ഫിലാഡല്ഫിയ മേയറും പങ്കെടുക്കുന്നുണ്ട്.
പ്രവാസി മലയാളികളുടെ മാമാങ്കത്തില് പങ്കുചേരുവാന് ആഗ്രഹിക്കുന്നവര് ഇന്നുതന്നെ www.fomaa.com -ലൂടെ രജിസ്റ്റര് ചെയ്യുക.
കൂടുതല് വിവരങ്ങള്ക്ക്; ജോര്ജ് മാത്യു (267 549 1196), ഗ്ലാഡ്സണ് വര്ഗീസ് (847 561 8402), വര്ഗീസ് ഫിലിപ്പ് (215 934 7212).
Comments