ലോസ് ആഞ്ചലസ്: ഒരുമ സ്പെല്ലിങ്ങ് ബീ 2013 മല്സരങ്ങള് അനഹയം ബെറ്റ്സി റോസ് എലിമെന്ററി സ്കൂളില് സമാപിച്ചു. 2,3,4 ക്ലാസ്സുകള് ഉള്പെട്ട ഗ്രൂപ്പ് ഒന്നില് അലന് ബിജു വിജയം വരിച്ചു. 5, 6, 7 ക്ലാസ്സുകള് ഉള്പെട്ട ഗ്രൂപ്പ് രണ്ടില് കഴിഞ്ഞവര്ഷത്തെ ഗ്രൂപ്പൊന്നിലെ വിജയിയായ ഡാനിയല് മാത്യു വീണ്ടും വിജയിയായി. 8, 9, 10 സ്റ്റാന്ഡേര്ഡുകള് മല്സരിച്ച ഗ്രൂപ്പു മൂന്നില് ദേവി സുരേഷ് വിജയ കിരീടമണിഞ്ഞു. ഗാര്ഡന് ഗ്രോവ് സ്കൂള് ഡിസ്റ്റ്രിക്റ്റ് സ്പെല്ലിങ്ങ് ബീ കോര്ഡിനേറ്ററായ ലിലിയന് സ്ലേടര്, ടീച്ചറായി സേവനം അനുഷ്ഠിക്കുന്ന മേരി സ്റ്റുവര്ട്ട്, ലോമലിണ്ട യൂനിവേര്സിറ്റി പ്രൊഫസ്സര് ഡോ. രവി രഘവന് എന്നിവര് ജഡ്ജുമാരായിരുന്നു. വിജയികള്ക്ക് സാന്റാ അനാ സീറോ മലബാര് കാത്തലിക് ചര്ച്ച് വികാരി ഫാദര് ഇമ്മാനുവല് മടുക്കക്കുഴി ക്യാഷ് അവാര്ഡും ട്രോഫിയും വിതരണം ചെയ്തു.
Comments