ഒര്ലാന്റെ . താങ്ക്സ് ഗിവിങ് ദിനത്തില് കുടുംബാംഗങ്ങള് ഒന്നിച്ചുകൂടി ഭക്ഷണം കഴിക്കേണ്ട സ്ഥാനത്ത്, സാല്വേഷന് ആര്മി വോളന്റിയര്മാര് വിതരണം ചെയ്ത സൌജന്യ താങ്ക്സ ഗിവിങ് മീല് വാങ്ങുന്നതിനായി എത്തിച്ചേര്ന്നവരുടെ എണ്ണത്തില് റെക്കോര്ഡ് വര്ധന. ഇന്ന് ഒര്ലാന്റോയില് 25,000 ത്തില് പരം ജനങ്ങളാണ് ഇതിനായി എത്തിച്ചേര്ന്നത്. കഴിഞ്ഞ വര്ഷത്തേക്കാള് ഏകദേശം നാലായിരത്തിലധികം ജനങ്ങള്. ഫെഡറല് ഫുഡ് സ്റ്റാമ്പ് വെട്ടിച്ചുരുക്കിയതാണ് ഇതിന് പ്രധാന കാരണമെന്ന് പ്രോഗ്രാം സ്പോണ്സര് ചെയ്ത സെന്ട്രല് ഫ്ളോറിഡായിലേയും ജോര്ജിയായിലേയും 30 ഗോള്ഡന് കോറല് റസ്റ്ററന്റ് ഉടമയായ എറിക് ഹോം പറഞ്ഞു.
ഒരു നേരത്തെ ആഹാരം ലഭിക്കുന്നതിന് ഇത്രയും പേര് എത്തിച്ചേര്ന്നത് സമ്പന്ന രാജ്യമായി അറിയപ്പെടുന്ന അമേരിക്കയിലെ ജനങ്ങളുടെ സാമ്പത്തിക തകര്ച്ചയെയാണ് ചൂണ്ടിക്കാണിക്കുന്നത്. ഹോട്ടല് ജീവനക്കാരിയായിരുന്ന തന്റെ മാതാവ് അതില് നിന്നും കിട്ടുന്ന തുച്ഛമായ വരുമാനം കൊണ്ടാണ് താനുള്പ്പെടെ അഞ്ചു മക്കളെ വളര്ത്തിയതെന്ന് പറയുന്നതില് താന് അഭിമാനിക്കുന്നു. മറ്റുള്ളവരുടെ വേദന ഞാന് മനസ്സിലാക്കുന്നു. കഴിഞ്ഞ 21 വര്ഷമായി ഈ പ്രോഗ്രാം സ്പോണ്സര് ചെയ്യുന്നതിന് എന്നെ പ്രേരിപ്പിച്ചത് ഈ അനുഭവമാണെന്ന് എറിക് പറഞ്ഞു.
Comments