ഫാര്‍മേഴ്‌സ് ബ്രാഞ്ച്: മാര്‍ത്തോമാ ചര്‍ച്ച് ഓഫ് ഡാളസ് പുതിയതായി നിര്‍മ്മിക്കുന്ന ഓഡിറ്റോറിയം ബില്‍ഡിങ്ങ് ഫണ്ട് കിക്ക് ഓഫ് നടത്തി. ഞായറാഴ്ച വിശുദ്ധ കുര്‍ബ്ബാനയ്ക്കു ശേഷം ഇടവക വികാരി റവ. ജോസ്.സി. ജോസഫ് അച്ചന്റേയും, ജനറല്‍ കണ്‍വീനര്‍ തോമസ് മാത്യുവിന്റേയും, ഇടവകാംഗങ്ങളുടേയും സാന്നിധ്യത്തില്‍ ഡോ. സജ്ജയ് ഉമ്മന്‍, ഡാളസ് ഫോര്‍ട്ട് വര്‍ത്ത് യൂത്ത് ചാപഌയിന്‍ റവ. ജോര്‍ജ്ജ് ജേക്കബ് അച്ചന് ആദ്യ ചെക്ക് കൈമാറിയാണ് കിക്ക് ഓഫ് ഉല്‍ഘാടനം നിര്‍വ്വഹിച്ചത്.
ഏപ്രില്‍ ആദ്യവാരം നിര്‍മ്മാണ പ്രവര്‍ത്തനം ആരംഭിക്കുന്ന ഓഡിറ്റോറിയത്തിന് നാലരമില്യണ്‍ ഡോളറാണ് ചിലവ് പ്രതീക്ഷിക്കുന്നത്. ഇരുപതിനായിരം ചതുരശ്ര അടി വിസ്തീര്‍ണ്ണത്തില്‍ ഇരുപത് മുറികളോടെ ഒരു വര്‍ഷത്തിനുള്ളില്‍ പണി പൂര്‍ത്തീകരിക്കുമെന്നും, നിലവിലുള്ള പള്ളിയുടെ നിര്‍മ്മാണ പ്രവര്‍ത്തനങ്ങള്‍ക്ക് ഇടവക ജനങ്ങളില്‍ നിന്നും ലഭിച്ച നിര്‍ലോഭമായ സഹായസഹകരണമാണ് ഈ ദൗത്യവും ഏറ്റെടുക്കുവാന്‍ തന്നെ പ്രേരിപ്പിച്ചതെന്ന് കണ്‍വീനര്‍ തോമസ് മാത്യു പറഞ്ഞു. ജിജി ആന്‍ഡ്രൂസ് ജോ-കണ്‍വീനറും, ഇരുപതോളം വരുന്ന കമ്മിറ്റി അംഗങ്ങളും ഈ സംരംഭത്തിന്റെ പൂര്‍ത്തീകരണത്തിനായി സജ്ജീവമായി പ്രവര്‍ത്തിക്കുന്നു.
ഓഡിറ്റോറിയത്തിന്റെ പണി പൂര്‍ത്തീകരിക്കുമ്പോള്‍ ഡാളസ് ഫോര്‍ട്ട് വര്‍ത്തിലെ ഇന്ത്യന്‍ സമൂഹത്തിന്റെ ചിരകാലാഭിലാഷമാണ് നിറവേറപ്പെടുകയെന്നും, മാര്‍ത്തോമാ സഭയ്ക്ക് ഇതൊരഭിമാനമായിരിക്കുമെന്നും റവ.ജോസ് സി. ജോസഫ് അച്ചന് പറഞ്ഞു.
Comments