ഈ വരുന്ന മെയ് മാസം 23, 24 തീയ്യതികളില്‍ നടക്കുന്ന ഇരുപത്തിയേഴാമത് ജിമ്മി ജോര്‍ജ് മ്മെമ്മൊറിയല്‍ വോളീബോള്‍ടുര്‍ണമെന്റ്‌ന് ആധിതേയത്വം വഹിക്കുന്ന ഗാര്‍ഡന്‍ സ്റ്റേറ്റ് സിക്‌സെര്‍സ് ന്റെ നേത്രുത്വത്തില്‍ വോളീബോള്‍ പരിശീലന ക്യാംമ്പ് ന്യുജേഴ്‌സിയില്‍ ഫെയര്‍ലൊണിലുളള ഔര്‍ സേവിയര്‍ ലൂഥറന്‍ പള്ളിയുടെ അങ്കണത്തിലുള്ള വിശാലമായ ഇന്‍ഡോര്‍ ജിമ്മില്‍ ഈ മാസം 12 നു ഞായറാഴ്ച ഉച്ചകഴിഞ്ഞ് 3 മണിക്കു ആരംഭിക്കുന്നു, ക്യാമ്പില്‍ വോളീബോളില്‍ വളരെ പ്രാവീണ്യം നേടിയിട്ടുള്ള പരിശീലകരെയാണ് ഗാര്‍ഡന്‍ സ്റ്റേറ്റ് സിക്‌സെര്‍സ് ഒരുക്കിയിട്ടുള്ളത്.
ന്യുജേഴ്‌സിയിലെ പലഭാഗങ്ങളിലുള്ള മലയാളികളായ ചെറുപ്പക്കാരെ ഒന്നിപ്പിക്കുന്നതിനോടൊപ്പം വോളീബോള്‍ രംഗത്ത് ഒരു പുതുതലമുറയെ വാര്‍ത്തെടുക്കുക എന്നതാണ് ഈ ക്യാമ്പിന്റെ മുഖ്യ ലക്ഷ്യം എന്ന് ടീം മാനേജര്‍ ശ്രീ മാത്യു സഖറിയ (ക്രിസ്ടി) അറിയിച്ചു. ഇതിനോടകം വളരെ അധികം ചെറുപ്പക്കാര്‍ പേര് രജിസ്റ്റര്‍ ചെയ്തിട്ടുള്ള ക്യാമ്പിനു പഴയതലമുറയിലുള്ള കളിക്കാരുടെ പൂര്‍ണ പിന്തുണയുണ്ടെന്നും അദ്ദേഹം പറഞ്ഞു.
മെമ്മോറിയല്‍ ഡേ വാരാന്ത്യത്തില്‍ നടക്കുന്ന ജിമ്മി ജോര്‍ജ് മ്മെമ്മൊറിയല്‍ വോളീബോള്‍ ടുര്‍ണമെന്റ്‌ന് വേണ്ടിയുള്ള ഒരുക്കങ്ങള്‍ പൂര്‍ത്തിയായി വരുന്നതായി ടൂര്‍ണമെന്റ് കമ്മറ്റി ചെയര്‍മാന്‍ ശ്രീ ജിബി തോമസ് അറിയിച്ചു. താല്പര്യമുള്ള എല്ലാ യുവാക്കളും വോളീബോള്‍ ക്യാമ്പില്‍ പങ്കെടുത്ത് ഈ അവസ്സരം പരമാവധി പ്രയോജനപ്പെടുത്തണം എന്ന് ടുര്‍ണമെന്റ് കമ്മിറ്റി കോഓര്‍ഡിനേറ്റര്‍ ജേംസണ്‍ കുര്യാക്കോസ് പറഞ്ഞു.
കൂടുതല്‍ വിവരങ്ങള്‍ക്ക്,
Mr. Anand Anil (201) 406 – 7778
Mr. Benny Sebastian (609) 2137012,
Mr. Thomas George [Sanju] (732) 491 – 3422
Comments