അറ്റ്ലാന്റ. ഫോമായുടെ സൌത്ത്-ഈസ്റ്റ് റീജിയണ്‍ റീജിയണല്‍ വൈസ് പ്രസിഡന്റും ഗ്രേറ്റര്‍ അറ്റ്ലാന്റ മലയാളി അസോസിയേഷന്റെ സജീവ പ്രവര്‍ത്തകനുമായ അനു സുകുമാര്‍ ഇപ്പോള്‍ ജോര്‍ജിയ സംസ്ഥാനത്തിലെ പോലീസ് ഡിപാര്‍ട്ട്മെന്റില്‍ സീനിയര്‍ ഡെപ്യൂട്ടി ആയി ഫീല്‍ഡ് ഓപറേഷന്‍സ് വിഭാഗത്തില്‍ സ്ഥാനകയറ്റം ലഭിച്ചിരിക്കുകയാണ്.

സൌമ്യത മുഖമുദ്രയാക്കിയ അനു,1983-ല്‍ കേരളത്തിലെ പത്തനതിട്ടയില്‍ നിന്നും അമേരിക്കന്‍ ഐക്യ നാടുകളിലേക്ക് കുടിയേറി. 2006-ല്‍ ഇമിഗ്രേഷന്‍ ടാസ്ക് ഫോഴ്സിലാണ് പോലീസ് ഡിപാര്‍ട്ട്മെന്റിലെ തന്റെ ഔദ്യോഗിക ജീവിതം ആരംഭിച്ചത്. തുടര്‍ന്ന് സെക്സ് ക്രൈംസ്, സൈബര്‍ ക്രൈംസ്, ഫാമിലി വയലന്‍സ് എന്നീ വിഭാഗങ്ങളില്‍ സേവനം അനുഷ്ടിച്ചു. 2012-ല്‍ ഫീല്‍ഡ് ട്രെയ്നിങ് ഓഫിസര്‍ ആയി അദ്ദേഹത്തിനു സ്ഥാനകയറ്റം ലഭിച്ചു. 2011-ല്‍ ഏറ്റവും നല്ല ഷൂട്ടര്‍ക്കുള്ള, ടോപ് ഗണ്‍ അവാര്‍ഡും, 2014-ല്‍ ഏറ്റവും നല്ല ഫീല്‍ഡ് ട്രെയ്നിംഗ് ഓഫീസറായി അദ്ദേഹം തിരഞ്ഞെടുക്കപ്പെട്ടു.

പൊതു പ്രവര്‍ത്തനത്തിലും അദ്ദേഹം തന്റേതായ വ്യക്തിമുദ്ര പതിപ്പിച്ചിട്ടുണ്ട്. 2010-ല്‍ ഗാമായുടെ ജോയിന്റ് സെക്രട്ടറി, 2011-ല്‍ സെക്രട്ടറി, 2013-ല്‍ പ്രസിഡന്റ് എനീ നിലകളില്‍ പ്രവര്‍ത്തിച്ചിട്ടുണ്ട്. ഏഷ്യന്‍ അമേരിക്കന്‍ ലോ എന്‍ഫോഴ്സ്മെന്റ് അസോസിയേഷന്റെ ഫൌണ്ടിങ് മെംബര്‍ കൂടിയാണദ്ദേഹം. ഭാര്യ ബിന്ദുവിനും മക്കള്‍ പല്ലവി, ആവണി എന്നിവര്‍ക്കൊപ്പം അറ്റലാന്റയിലാണു അദ്ദേഹം ഇപ്പോള്‍ താമസിക്കുന്നത്. ഫോമായുടെ 2014-16 ഭരണസമിതിയിലെ പ്രസിഡന്റ് ആനന്ദന്‍ നിരവേല്‍ ട്രഷറര്‍ ജോയി ആന്തണി എന്നിവരുടെ റീജിയണായ, സൌത്ത്-ഈസ്റ്റ് റീജിയന്റെ ആര്‍ വീ പി യണദ്ദേഹം. ഫോമായുടെ വളര്‍ച്ചക്ക് അനു സുകുമാറിനെ പോലുള്ള വ്യക്തികളുടെ സാന്നിദ്ധ്യം വളരെ ഗുണം ചെയ്യുമെന്നു ഫോമാ പ്രസിഡന്റ് ആനന്ദന്‍ നിരവേല്‍ സെക്രട്ടറി ഷാജി എഡ്വേര്‍ഡ്, ട്രഷറര്‍ ജോയി ആന്തണി എന്നിവര്‍ അഭിപ്രായപ്പെട്ടു.