ന്യൂയോര്‍ക്ക്‌ : ഭക്തിയുടെ നിറധ്വനിയുമായി സ്‌നേഹ സംഗീതം 2014 അമേരിക്കന്‍ മലയാളികലുടെ ഇടയില്‍ തരംഗം ആകുന്നു. അമേരിക്കയില്‍ ഇപ്പോള്‍ നടക്കുന്ന പല താര ഷോകള്‍ക്കും കാണികള്‍ ഇല്ലാതെ അവസ്ഥയില്‍ , അവതരിക്കപെട്ട എല്ലാ വേദികളും സോള്‍ഡ്‌ ഔട്ട്‌ ആയി റിയ ട്രവേല്‌സ്‌ സ്‌നേഹ സംഗീതം 2014 വ്യത്യസ്‌തമാവുന്നു.
സ്‌റ്റീഫന്‍ ദേവസിക്കൊപ്പം അമേരിക്കന്‍ മലയാളികളുടെ പ്രിയ ഗായകനും ക്രൈസ്‌തവ ഭക്‌തിഗാനമേഖലയിലെ അഗ്രഗണ്യനും ലോകമെങ്ങുമുളള മലയാള ക്രൈസ്‌തവ മാനസങ്ങളില്‍ സ്‌ഥിര പ്രതിഷ്‌ഠ നേടിയ ഗായകനുമായ ബിനോയ്‌ ചാക്കോ, ഐഡിയാ സ്‌റ്റാര്‍ സിംഗര്‍ ഫെയിം ഇമ്മാനുവേല്‍ ഹെന്റി, അമൃതാ സൂപ്പര്‍ സ്‌റ്റാര്‍ വിജയി ജോബ്‌ കുര്യന്‍, തെന്നിന്ത്യയിലെ പ്രശസ്‌ത ഗായിക സിസിലി എബ്രഹാം എന്നിവരും `സ്‌നേഹ സംഗീതം സംഗീത വിരുന്നിന്‌ മാറ്റു കൂട്ടുന്നു. സ്‌റ്റീഫനു പുറമെ ജോസി ജോണ്‍(ഗിറ്റാര്‍), നിര്‍മ്മല്‍ സേവ്യര്‍ (ഡ്രംസ്‌), ഷോമി ഡേവിസ്‌(പെര്‍ക്കഷന്‍), ജോസി ആലപ്പുഴ (ഫ念3394;ട്ട്‌, സാക്‌സോഫോണ്‍) , സ്‌റ്റീഫന്‍ ദേവസിയുടെ ജ്യേഷ്‌ഠ സഹോദരനും പ്രമുഖ മ്യുസീഷ്യനും, പരിപാടിയുടെ പ്രോഗ്രാം ഡയറക്‌ടറുമായ സാം ദേവസി. കേരളത്തിലെ പ്രമുഖനായ സൗണ്ട്‌ എന്‍ജിനിയര്‍ ടെന്നിസണ്‍ തുടങ്ങിയ പ്രമുഖ സംഗീതജ്‌ഞരും `സ്‌നേഹസംഗീതം 2014 നെ മികവുറ്റതാക്കുന്നു. എബിയുടെയും ജെറിയുടെയും നേതൃത്വത്തിലുളള വിഷ്വല്‍ ഡ്രീംസാണ്‌ സൗണ്ട്‌ ടെക്‌നോളജിയുടെ ഉപകരണങ്ങള്‍ ക്രമീകരിക്കുന്നത്‌.
ഗായകര്‍ക്കൊപ്പവും വേദിയിലെ മറ്റ്‌ മ്യൂസിഷ്യന്മാര്‍ക്കൊപ്പവും ഓടി നടന്ന്‌ താളമേളത്തോടെ എല്ലാ ഗാനത്തിനും തന്റേതായ തികച്ചും ആകര്‍ഷകമായ സ്‌റ്റൈല്‍ ഒരുക്കിയെടുത്ത സ്‌റ്റീഫന്‍ ദേവസി ശ്രോതാക്കളെ ഒരു നിമിഷം പോലും ബോറടിപ്പിച്ചില്ല. അമേരിക്കന്‍ മലയാളികള്‍ നാളിതുവരെ കണ്ടിട്ടില്ലാത്ത വിധത്തില്‍ പ്രത്യേകമായ സംഗീത വിരുന്നാണ്‌ `സ്‌നേഹ സംഗിതം എന്നു പറയാതെ വയ്യ. ഗായകര്‍ക്കു പുറമേ സോളിഡ്‌ ഫ്യൂഷന്‍ ഒറ്റയടിക്ക്‌ തന്നെ പത്തു മിനിറ്റിലധികം മനോഹരമായി സംഗീത സാഗരം തീര്‍ക്കുന്നുണ്ട്‌. ആവേശ ഭരിതരായ ആസ്വാദകരുടെ ആവശ്യപ്രകാരം ഫ്യൂഷന്‍ സംഗീതം നിരവധി തവണ ആവര്‍ത്തിച്ച സ്‌റ്റീഫന്‍ ദേവസിയും കൂട്ടരും ശ്രോതാക്കള്‍ക്ക്‌ സംഗീത വിസ്‌മയത്തിന്റെ മാന്ത്രിക തലങ്ങള്‍ തീര്‍ത്തു കൊടുത്തു. ഇതുവരെ കേട്ടിരുന്നത്‌ ക്രൈസ്‌തവ ഭക്‌തി ഗാനത്തിന്റെ മെലഡിയായിരുന്നുവെങ്കില്‍ ഇപ്പോള്‍ സ്‌നേഹ സംഗീതം കാലഘട്ടത്തിനനുസരിച്ച്‌ ഭക്‌തിയെയും വൈകാരികതയേയും സംഗീതത്തിന്റെ നവ്യാനുഭൂതിയില്‍ അലിയിപ്പിക്കുകയാണ്‌.
കൂടുതല്‍ വിവരങ്ങള്‍ക്ക്‌ : ഗില്‍ബര്‍ട്ട്‌ ജോര്‍ജ്‌കുട്ടി : 201 926 7477, www.carvingminds.com
Comments