You are Here : Home / USA News

ജോയിച്ചന്‍ മെമ്മോറിയല്‍ കര്‍ഷകശ്രീ അവാര്‍ഡ്

Text Size  

Story Dated: Sunday, July 14, 2019 08:23 hrs EDT

ചിക്കാഗോ: കെ.സി.എസിന്റെ മുന്‍ പ്രസിഡന്റും ലോക ക്‌നാനായ സമൂഹത്തിലെ നിറസാന്നിധ്യവും, മികച്ച കര്‍ഷകനുമായിരുന്ന അന്തരിച്ച ജോയിച്ചന്‍ ചെമ്മാച്ചേലിന്റെ ഓര്‍മ്മ നിലനിര്‍ത്തുന്നതിനായി കെ.സി.എസ് "ജോയിച്ചന്‍ മെമ്മോറിയല്‍ കര്‍ഷകശ്രീ അവാര്‍ഡ്' ഏര്‍പ്പെടുത്തിയിരിക്കുന്നു. സമുദായ അംഗങ്ങളില്‍ കാര്‍ഷികവൃത്തിയെ പ്രോത്സാഹിപ്പിക്കുന്നതിനായി ഏര്‍പ്പെടുത്തിയിരിക്കുന്ന ഈ മത്സരത്തില്‍ ചിക്കാഗോയിലെ എല്ലാ കുടുംബങ്ങളും പങ്കെടുക്കാന്‍ ശ്രദ്ധിക്കുക. 

മികച്ച കര്‍ഷകര്‍ അടങ്ങിയ ഒരു കൂട്ടം ജഡ്ജിമാര്‍ വീടുകള്‍ സന്ദര്‍ശിച്ച്, പച്ചക്കറി തോട്ടങ്ങളെ വിലയിരുത്തി മികച്ച കര്‍ഷകനെ തെരഞ്ഞെടുക്കുന്നതാണ്. വിജയികള്‍ക്ക് ട്രോഫികളും ക്യാഷ് അവാര്‍ഡുകളും സമ്മാനിക്കുന്നതാണ്. 

പങ്കെടുക്കാന്‍ ആഗ്രഹിക്കുന്നവര്‍ ഓഗസ്റ്റ് ഒന്നാം തീയതിക്കു മുമ്പായി കെ.സി.എസ് ജോയിന്റ് സെക്രട്ടറി ടോമി എടത്തിലിന്റെ പക്കല്‍ പേര് രജിസ്റ്റര്‍ ചെയ്യുക. ഫോണ്‍: 847 414 6757.chicagokcs@gmail.com എന്ന ഇമെയില്‍ വിലാസത്തിലും പേര് രജിസ്റ്റര്‍ ചെയ്യാം. 

ഓഗസ്റ്റ് 15-നുശേഷം വീടുകള്‍ സന്ദര്‍ശിച്ച് പച്ചക്കറി തോട്ടങ്ങള്‍ വിലയിരുത്തുന്നതാണ്. സെപ്റ്റംബര്‍ 15-ന് ക്‌നാനായ സെന്ററില്‍ വച്ചു നടക്കുന്ന ഓണാഘോഷത്തില്‍ വച്ച് വിജയികള്‍ക്ക് സമ്മാനങ്ങള്‍ വിതരണം ചെയ്യുന്നതാണ്. മത്സരത്തില്‍ രജിസ്റ്റര്‍ ചെയ്യുന്ന എല്ലാവര്‍ക്കും സെപ്റ്റംബര്‍ 15-നു ക്‌നാനായ സെന്ററില്‍ നടക്കുന്ന കാര്‍ഷിക വിള പ്രദര്‍ശനത്തിലും പങ്കെടുക്കാവുന്നതാണ്. 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More
More From Featured News
View More