ഷിക്കാഗോ: 2014 ഫോമാ അന്തര്‍ദേശീയ കണ്വെന്ഷന് മുന്നോടിയായി ഇദംപ്രഥമമായി നടത്തപ്പെടുന്ന വെസ്‌റ്റേണ്‍ റീജിയന്‍ കണ്‍വെന്‍ഷന്റെ നടത്തിപ്പിനു നേതൃത്വം നല്‍കുവാന്‍ സാം ഉമ്മന്‍ ചെയര്‍മാനായുള്ള കണ്വെന്ഷന് കമ്മറ്റിക്ക്‌ രൂപം നല്‌കി.
ജനോപകാരപ്രദമായ രീതിയില്‍, വിപുലമായ പരിപാടികള്‍ ഉള്‍പ്പെടുത്തിക്കൊണ്ട്‌, വ്യത്യസ്‌തതയോടെ വെസ്‌റ്റേണ്‍ റീജിയന്‍ കണ്വെന്ഷന് പരിപാടികള്‍ ആസൂത്രണം ചെയ്യുമെന്ന്‌ ചെയര്‍മാനായി നിയമിതനായ സാം ഉമ്മന്‍ തന്റെ മറുപടി പ്രസംഗത്തില്‍ പറഞ്ഞു.
സംഘടനാ പാടവത്തില്‍ അഗ്രഗണ്യനാണെന്ന്‌ ഇതിനോകം തെളിയിച്ചു കഴിഞ്ഞ സാം ഉമ്മന്‍ അമേരിക്കന്‍ മലയാളികളുടെ ഇടയില്‍ വളരെ സുപരിചിതനാണന്നും, ഇദ്ദേഹത്തിന്റെ കരങ്ങളില്‍ ഫോമാ വെസ്‌റ്റേണ്‍ റീജിയന്‍ കണ്വെന്ഷന് ഒരു വന്‍ വിജയമായിരിക്കുമെന്നും വെസ്‌റ്റേണ്‍ റീജിയന്‍ വൈസ്‌ പ്രസിഡന്റ് പന്തളം ബിജു തോമസ്‌ അറിയിച്ചു.
Comments