You are Here : Home / USA News

സാഹിത്യവേദി സെപ്റ്റംബര്‍ 6 ന്

Text Size  

Story Dated: Monday, September 02, 2019 10:43 hrs EDT




ജോയിച്ചന്‍ പുതുക്കുളം
 
ചിക്കാഗോ: 2019 ലെ അഞ്ചാമത് സാഹിത്യവേദി യോഗം  സെപ്റ്റംബര്‍  ആറാം തീയതി  വെള്ളിയാഴ്ച്ച വൈകുന്നേരം 6:30 ന് ചിക്കാഗോമലയാളി അസോസിയേഷന്‍ ഹാളില്‍ (834 E. Rand  Road, Suite 13, Mount  Prospect, IL  60056) കൂടുന്നതാണ്.
 
ഇക്കഴിഞ്ഞ ആഗസ്റ്റ്  5 ന്  നമ്മെ വിട്ടുപിരിഞ്ഞ സാഹിത്യവേദി അംഗം  ജോസ് പുല്ലാപ്പള്ളിയുടെ  അനുസ്മരണര്‍ത്ഥമാണ് ഈ സമ്മേളനം. ചിക്കാഗോ സാഹിത്യ വേദിയുടെ  സ്ഥാപകരിലൊരാളും  സജീവ സാന്നിദ്ധ്യവുമായിരുന്നു അദ്ദേഹം. ഈ പ്രത്യേകയോഗത്തില്‍ എല്ലാ സാഹിത്യ സ്‌നേഹികളും പങ്കെടുക്കണമെന്ന്  വിനീതമായി അഭ്യര്‍ഥിക്കുന്നു.
 
സാഹിത്യവേദിയുടെ ഇരുനൂറ്റി പതിനെട്ടാമത് യോഗം ആഗസ്റ്റ്  2 നു  സി.എം.എ ഹാളില്‍ നടന്നു. അനില്‍കുമാര്‍ പിള്ള അധ്യക്ഷനായിരുന്നു.  ഡി സി ബുക്‌സ് പ്രസിദ്ധീകരിച്ചരാജേന്ദ്രന്‍ എടത്തുംകരയുടെ 'ഞാനും ബുദ്ധനും'  എന്ന നോവലിന്റെ വായനാനുഭവം ഷിജി അലക്‌സ് പങ്കു വച്ചു.  സംവേദനശൈലിയുടെ  ലാളിത്യം കാരണം നോവല്‍ വായിക്കാത്തവര്‍ക്ക് ആദ്യവായനയുടെയും വായിച്ചവര്‍ക്ക് പുനര്‍വായനയുടേയും അനുഭവം പകരാന്‍ അവതാരകക്കു കഴിഞ്ഞു. തുടര്‍ന്ന്ചര്‍ച്ച  നടന്നു. ശേഷം ഈയിടെ നമ്മെ വിട്ടു പിരിഞ്ഞ പ്രിയ കവി  ആറ്റൂര്‍ രവിവര്‍മ്മക്ക് സാഹിത്യവേദിആദരാജ്ഞലികള്‍ അര്‍പ്പിച്ചു.
 
രവി രാജ , ഉമാ രാജ എന്നിവര്‍ സ്‌പോണ്‍സര്‍ ചെയ്ത സാഹിത്യവേദി  ജോയല്‍ ജോയിയുടെ നന്ദി പ്രകടനത്തോടെസമാപിച്ചു. 

കൂടുതല്‍ വിവരങ്ങള്‍ക്ക്:അനിലാല്‍ ശ്രീനിവാസന്‍  630 400 9735, ജോണ്‍ ഇലക്കാട്ട്   773 282 4955

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More