You are Here : Home / USA News

ഹൂസ്റ്റണ്‍ ശ്രീ ഗുരുവായൂരപ്പന്‍ ക്ഷേത്രത്തില്‍ ഹോളി ആഘോഷിച്ചു

Text Size  

ജോയിച്ചന്‍ പുതുക്കുളം

joychen45@hotmail.com

Story Dated: Wednesday, March 19, 2014 03:42 hrs EDT

ഹൂസ്റ്റണ്‍: മാര്‍ച്ച്‌ ഒമ്പതാം തീയതി ഞായറാഴ്‌ച ഹൂസ്റ്റണ്‍ ശ്രീ ഗുരുവായൂരപ്പന്‍ ക്ഷേത്രത്തിന്റെ ആഭിമുഖ്യത്തില്‍ സംഘടിപ്പിച്ച ഹോളി ആഘോഷം നിറങ്ങളുടെ ഉത്സവവും സൗഹാര്‍ദ്ദത്തിന്റെ സംഗമവുമായി.

ശ്രീ ഗുരുവായൂരപ്പന്‍ ക്ഷേത്രത്തിലെ എഡ്യൂക്കേഷന്‍ കമ്മിറ്റിയും, യൂത്ത്‌ ഫോറവും സംഘടിപ്പിച്ച ആഘോഷത്തിന്റെ മുഴുവന്‍ ചുമതലയും യുവജനങ്ങള്‍ക്കായിരുന്നു. തികഞ്ഞ ഉത്തരവാദിത്വത്തോടെയും ആത്മസമര്‍പ്പണത്തോടുംകൂടി മുപ്പതിലധികം യുവതീ യുവാക്കളാണ്‌ കോര്‍ഡിനേറ്ററായിരുന്ന സച്ചിന്‍ നായരുടെ നേതൃത്വത്തില്‍ ആഘോഷങ്ങള്‍ അണിയിച്ചൊരുക്കിയത്‌.

ഉച്ചയ്‌ക്ക്‌ ഒരുമണിക്ക്‌ തുടങ്ങിയ ആഘോഷങ്ങള്‍ രാത്രി എട്ടുമണിക്ക്‌ നടന്ന വെടിക്കെട്ടോടുകൂടി അവസാനിച്ചു. മുഴുനീള കലാപരിപാടികള്‍ പ്രശസ്‌ത നര്‍ത്തകി ദിവ്യാ ഉണ്ണിയുടെ ശ്രീപാദം സ്‌കൂള്‍, ടീനാ ബോസ്‌-കുമാര്‍ നേതൃത്വം നല്‍കുന്ന ഇന്‍ഹ്യൂസ്‌ഡ്‌ എന്നിവരുടെ നേതൃത്വത്തിലായിരുന്നു. എയ്‌റ്റ്‌ വണ്ടര്‍, ബാര്‍കോഡ്‌ എന്നീ പ്രശസ്‌ത ഗ്രൂപ്പുകളും നൃത്തം അവതരിപ്പിച്ചു.

നിരവധി വ്യവസായ സ്ഥാപനങ്ങളുടെ ബൂത്തുകളും തട്ടുകടകളും ആഘോഷങ്ങള്‍ക്ക്‌ മിഴിവേകി. ആയിരത്തിലധികം ആളുകള്‍ പങ്കെടുത്ത ആഘോഷം അച്ചടക്കത്തോടുകൂടി നടത്തിയ യുവാക്കളെ വൈസ്‌ പ്രസിഡന്റ്‌ രാജഗോപാലപിള്ള, ശശിധരന്‍ നായര്‍ എന്നിവര്‍ പ്രശംസിച്ചു.

സച്ചിന്‍ നായര്‍, ഡോ. ബിജു പിള്ള, ഡോ. റെജീന പിള്ള, ഡോ. അനുഷ്‌ പിള്ള, ജില്‍ രാമന്‍, അഖില, ജ്യോതി അശോകന്‍, സുരേഷ്‌ ബാബു പിള്ള എന്നിവര്‍ മുഖ്യ സംഘാടകരായിരുന്നു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More