You are Here : Home / USA News

മിഡ്‌വെസ്റ്റ്‌ റീജിയന്‍ മാര്‍ത്തോമാ സേവികാസംഘത്തിന്‌ നവ നേതൃത്വം

Text Size  

Story Dated: Monday, April 14, 2014 06:40 hrs EDT

ബെന്നി പരിമണം

 

ചിക്കാഗോ: മലങ്കര മാര്‍ത്തോമാ സഭയുടെ നോര്‍ത്ത്‌ അമേരിക്ക- യൂറോപ്പ്‌ ഭദ്രാസനത്തിന്റെ മിഡ്‌വെസ്റ്റ്‌ റീജയന്‍ സേവികാസംഘത്തിന്‌ പുതിയ നേതൃത്വം. അടുത്ത മൂന്നുവര്‍ഷത്തേക്കാണ്‌ പുതിയ ഭരണസമിതിയുടെ കാലാവധി. കര്‍മ്മനിരതമായ പ്രവര്‍ത്തനശൈലിക്കുടമയായ സെന്റ്‌ തോമസ്‌ മാര്‍ത്തോമാ ചര്‍ച്ച്‌ ഓഫ്‌ ചിക്കാഗോ വികാരി റവ. ഷാജി തോമസ്‌ സേവികാസംഘം റീജിയന്‍ പ്രസിഡന്റായി നേതൃത്വം നല്‍കും.

മിഡ്‌വെസ്റ്റ്‌ റീജയന്‍ മാര്‍ത്തോമാ ഇടവകകളിലെ സേവികാസംഘം തെരഞ്ഞെടുക്കപ്പെട്ട പ്രതിനിധികളില്‍ നിന്നും റീജിയന്‍ ഭാരവാഹികളായി വൈസ്‌ പ്രസിഡന്റ്‌ സാലി വര്‍ഗീസ്‌, സെക്രട്ടറി സൂസന്‍ ജി ഫിലിപ്പ്‌, ട്രഷറര്‍ ഷൈനി തോമസ്‌, റീജിയന്‍ പ്രതിനിധി അന്നമ്മ സാധു എന്നിവര്‍ പുതിയ ചുമതലകള്‍ നിര്‍വഹിക്കും. സെന്റ്‌ തോമസ്‌ മാര്‍ത്തോമാ ചര്‍ച്ച്‌ ഓഫ്‌ ചിക്കാഗോ, ലംബാര്‍ഡില്‍ നടന്ന സേവികാസംഘം റീജിയന്‍ പൊതുയോഗത്തിലാണ്‌ പുതിയ ഭാരവാഹികളെ തെരഞ്ഞെടുത്തത്‌. ക്രിസ്‌തു കേന്ദ്രീകൃത പാതയിലൂടെ സംഘത്തെ മുന്നോട്ട്‌ നയിക്കുവാനും നൂതനമായ കര്‍മ്മപരിപാടികള്‍ പ്രവര്‍ത്തനപാതയില്‍ ഉള്‍പ്പെടുത്തി പ്രയാണം തുടരുവാനും പുതിയ ഭരണസമിതിയുടെ പ്രവര്‍ത്തനങ്ങള്‍ ഇടയായത്തീരട്ടെ എന്ന്‌ റീജയന്‍ പ്രസിഡന്റ്‌ റവ. ഷാജി തോമസ്‌ പ്രത്യാശ പ്രകടിപ്പിച്ചു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More