You are Here : Home / USA News

കുരുത്തോലകളേന്തി ക്രൈസ്തവ സമൂഹം ഒശാനയാചരിച്ചു

Text Size  

ജോസഫ്‌ മാര്‍ട്ടിന്‍ വിലങ്ങോലില്‍

martinjoseph75@gmail.com

Story Dated: Monday, April 14, 2014 06:27 hrs EDT

ടെക്‌സാസ്: ഓശാന.....ഓശാന... ദാവീദിന്‍ പുത്രന് ഓശാന. കുരിശിലേറ്റുന്നതിനുമുമ്പ് ജറുസലേമിലേക്ക് കഴുതപ്പുറത്തേറി രാജകീയ പ്രവേശനം ചെയ്ത യേശുവിനെ ഒലിവിന്‍ ചില്ലകള്‍ വീശിയും, ഈന്തപ്പനയോലകള്‍ വിരിച്ചും ഓശാന പാടി വരവേറ്റതിന്റെ ഓര്‍മ്മ പുതുക്കിയുള്ള ഓശാന ഞായര്‍ ഇന്നലെ ക്രൈസ്തവ ദേവാലയങ്ങളിലെങ്ങും ഭക്തിപൂര്‍വ്വം ആചരിച്ചു. ദേവാലയങ്ങളില്‍ പ്രത്യേക ശുശ്രൂഷകളും, വിശ്വാസികള്‍ കുരുത്തോലകളേന്തി ദേവാലയം ചുറ്റിയുള്ള പ്രദക്ഷിണവും ഇന്നലെ നടന്നു. ടെക്‌സാസില്‍ ഹ്യൂസ്റ്റന്‍ സെന്റ് ജോസഫ് സീറോ മലബാര്‍ ഫൊറോന ദേവാലയത്തില്‍ നടന്ന ഓശാന തിരുകര്‍മ്മങ്ങള്‍ക്ക് ഫൊറോന വികാരി ഫാ. സഖറിയാസ് തോട്ടുവേലിലും, ഗാര്‍ലന്‍ഡ് സെന്റ് തോമസ് സീറോ മലബാര്‍ ഫൊറോന ദേവാലയത്തിലെ ചടങ്ങുകള്‍ക്ക് ഫാ. കുര്യന്‍ നെടുവേലിചാലുങ്കലും നേതൃത്വം വഹിച്ചു. ഡാലസ് കൊപ്പേല്‍ സെന്റ് അല്‍ഫോന്‍സാ ദേവാലയത്തിലെ ഓശാന തിര്‍ക്കര്‍മ്മങ്ങള്‍ക്ക് ഫാ. ജോണ്‍സ്റ്റി തച്ചാറ നേതൃത്വം നല്‍കി. ഒക്ലഹോമ ഹോളി ഫാമിലി ദേവാലയത്തില്‍ വികാരി ഫാ. പോള്‍ കോട്ടക്കല്‍ കാര്‍മികത്വം വഹിച്ചു. മക്കാലന്‍ ഡിവൈന്‍ മേഴ്‌സി സീറോ മലബാര്‍ ദേവാലയത്തില്‍ ഓശാനയാചരണ ശുശ്രൂഷകള്‍ക്ക് റവ. ഡോ. റാഫേല്‍ അമ്പാടന്‍ നേതൃത്വമേകി. യേശുവിന്റെ പീഡാനുഭവവും കുരിശുമരണവും ആചരിക്കപ്പെടുന്ന വിശുദ്ധ വാരാചരണം അടുത്ത ഞായറാഴ്ച ഉയിര്‍പ്പു തിരുനാളോടെ സമാപിക്കും.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More
More From Featured News
View More