You are Here : Home / USA News

ചിക്കാഗോ സെന്റ് പീറ്റേഴ്‌സ് യാക്കോബായ സുറിയാനി ഓര്‍ത്തഡോക്‌സ് പള്ളി പെരുന്നാള്‍

Text Size  

Story Dated: Thursday, June 19, 2014 06:28 hrs EDT

ഷിക്കാഗോ: സെന്റ് പീറ്റേഴ്‌സ് യാക്കോബായ സുറിയാനി ഓര്‍ത്തഡോക്‌സ് ഇടവകയുടെ (150 East Belle Dr, Northlake , IL-60164) കാവല്‍പിതാവും ശ്ശീഹന്മാരുടെ തലവനുമായ പരി: പത്രോസ് ശ്ശീഹായുടെ ഓര്‍മ്മപ്പെരുന്നാളും 36-ാമത് ഇടവക സ്ഥാപനവാര്‍ഷികവും 2014 ജൂണ്‍ 28, 29 ( ശനി, ഞായര്‍) തീയതികളില്‍ ഇടവക മെത്രപ്പോലീത്ത അഭിവന്ദ്യ: എല്‍ദോ മോര്‍ തീത്തോസ്് തിരുമനസ്സിലെ പ്രധാന കാര്‍മ്മികത്വത്തിലും സഹോദര ഇടവകകളിലെ ബഹു: വൈദീകരുടേയും ഇടവകാംഗങ്ങളുടേയും സാന്നിധ്യത്തിലും പൂര്‍വ്വാധികം ഭംഗിയായി നടത്തുവാന്‍ കര്‍ത്താവില്‍ പ്രത്യാശിക്കുന്നു ജൂണ്‍ 22 ഞായറഴ്ച വി: കുര്‍ബ്ബാനയ്ക്കു ശേഷം പെരുന്നാള്‍ കൊടിയേറ്റുന്നതാണ്.

 

ജൂണ്‍ 28 ശനിയാഴ്ച വൈകുന്നേരം 7 മണിക്ക് സന്ധ്യാപ്രാര്‍ത്ഥനയും , വചനസന്ദേശവും ഉണ്ടായിരിക്കും. ജൂണ്‍ 29 ഞായറാഴ്ച രാവിലെ 9 മണിക്ക് പ്രഭാത നമസ്ക്കാരവും 10 മണിക്ക് വി: കുര്‍ബ്ബാനയും, പ്രസംഗവും, 12 മണിക്ക് പ്രദക്ഷിണവും, ആശിര്‍വാദവും 1 മണിക്ക് പാച്ചോര്‍ നേര്‍ച്ചയും, തുടര്‍ന്ന് നേര്‍ച്ചസദ്യയും നടക്കും. ഇടവകയുടെ പുനര്‍നിര്‍മ്മാണത്തിന്റെ ആരംഭം കുറിച്ചുകൊണ്ട് അഭി: തിരുമനസ്സുകൊണ്ട് ഞായറാഴ്ച വി:കുര്‍ബ്ബാനയ്ക്കുശേഷം ഗ്രൗണ്ട്‌ബ്രേക്കിങ് നടത്തുന്നതാണ്. 2 മണിക്ക് കൊടിയിറക്കുന്നതോടൊപ്പം ഈ വര്‍ഷത്തെ പെരുന്നാള്‍ സമാപിക്കും. പരിശുദ്ധന്റെ പെരുന്നാളില്‍ വന്ന് സംബന്ധിച്ച് അനുഗ്രഹം പ്രാപിക്കണമെന്നും കര്‍ത്യനാമത്തില്‍ വികാരി വന്ദ്യ:സക്കറിയ കോറെപ്പിസ്‌കോപ്പ തേലപ്പിള്ളില്‍ അഭ്യര്‍ത്ഥിക്കുന്നു. ഏലിയാസ് പുത്തൂക്കാട്ടില്‍ അറിയിച്ചതാണിത്.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More