You are Here : Home / USA News

അറ്റ്‌ലാന്റാ സെന്റ്‌ തോമസ്‌ ഓര്‍ത്തഡോക്‌സ്‌ ദേവാലയം ഒക്‌ടോബര്‍ അഞ്ചിന്‌ കൂദാശ ചെയ്യപ്പെട്ടു

Text Size  

ജോയിച്ചന്‍ പുതുക്കുളം

joychen45@hotmail.com

Story Dated: Wednesday, October 16, 2013 06:27 hrs EDT

അറ്റ്‌ലാന്റാ: ജോര്‍ജിയയിലെ ആദ്യത്തെ ഇന്ത്യന്‍ ഓര്‍ത്തഡോക്‌സ്‌ ദേവാലയമായ അറ്റ്‌ലാന്റാ സെന്റ്‌ തോമസ്‌ ഓര്‍ത്തഡോക്‌സ്‌ പള്ളിയുടെ കൂദാശാകര്‍മ്മം ഒക്‌ടോബര്‍ അഞ്ചാം തീയതി നടത്തപ്പെട്ടു. സൗത്ത്‌ വെസ്റ്റ്‌ ഭദ്രാസനാധിപന്‍ അഭിവന്ദ്യ അലക്‌സിയോസ്‌ മാര്‍ യൗസേബിയോസ്‌ മെത്രാപ്പോലീത്ത മുഖ്യ കാര്‍മികത്വം വഹിച്ചു. ഡോ. മാത്യൂസ്‌ മാര്‍ സേവേറിയോസ്‌ മെത്രാപ്പോലീത്ത (കണ്ടനാട്‌ ഭദ്രാസനം), ഡോ. യൂഹാനോന്‍ മാര്‍ ക്രിസോസ്റ്റമോസ്‌ മെത്രാപ്പോലീത്ത (നിരണം ഭദ്രാസനം) എന്നിവര്‍ സഹകാര്‍മികരായിരുന്നു. ഒക്‌ടോബര്‍ നാലാം തീയതി വൈകിട്ട്‌ കൂദാശയുടെ ഒന്നാം ഭാഗവും, അഞ്ചാം തീയതി രാവിലെ കൂദാശയുടെ രണ്ടാം ഭാഗവും വിശുദ്ധ മൂന്നിന്‍മേല്‍ കുര്‍ബാനയും, പൊതുസമ്മേളനവും നടത്തപ്പെട്ടു. നാലാം തീയതി വൈകിട്ട്‌ മെത്രാപ്പോലീത്തമാരേയും വിശിഷ്‌ടാതിഥികളേയും സ്വീകരിച്ചാനയിച്ചുകൊണ്ടുള്ള ഘോഷയാത്ര നടത്തപ്പെട്ടു. ആറാം തീയതി ഞായറാഴ്‌ച ഉച്ചയ്‌ക്ക്‌ പ്രശസ്‌ത പിന്നണി ഗായകന്‍ അലക്‌സ്‌ കെ. പോളിന്റെ നേതൃത്വത്തില്‍ ക്രിസ്‌തീയ ഗാനശുശ്രൂഷ നടത്തപ്പെട്ടു. പരിപാടികളുടെ വിജയത്തിനായി വികാരി ഫാ. വില്‍സണ്‍ മണലേത്തിന്റേയും മാനേജിംഗ്‌ കമ്മിറ്റിയംഗങ്ങളായ ടിബി കുഞ്ഞൂഞ്ഞ്‌ (ട്രസ്റ്റി), ചെറിയാന്‍ പി. ഏബ്രഹാം (സെക്രട്ടറി), ബൈജു അലക്‌സ്‌, വര്‍ഗീസ്‌ വര്‍ഗീസ്‌, ജോര്‍ജ്‌ വര്‍ഗീസ്‌, ജോണ്‍ വര്‍ഗീസ്‌, അജയ്‌ വര്‍ഗീസ്‌, ബോബന്‍ വര്‍ഗീസ്‌ എന്നിവരുടേയും ബില്‍ഡിംഗ്‌ കമ്മിറ്റി അംഗങ്ങളായ മാത്തന്‍ മാത്യു, കെ.കെ. മാത്യു എന്നിവരുടേയും നേതൃത്വത്തില്‍ വിപുലമായ കമ്മിറ്റി പ്രവര്‍ത്തിച്ചു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More