വാഷിങ്ടന്‍ /ഡൽഹി :ഡൽഹി ഹോസ് കാസിലുള്ള സെന്റ് മേരീസ് ഓർത്തഡോക്സ് പള്ളിയിൽ ഈ വർഷത്തെ സുവിശേഷ കൺവെൻഷൻ ഈ മാസം 20, 21 തിയതികളിൽ നടക്കും. യു.എസ് സർക്കാരിന്റെ മുതിർന്ന ജീവനക്കാരനും യു.എസിലെ ഇന്ത്യൻ ഓർത്തഡോക്സ് പള്ളിയുടെ വടക്കുപടിഞ്ഞാറൻ ഇടവകയിലെ മുതിർന്ന പുരോഹിതനുമായ ഫാദർ അലക്സാണ്ടർ കുര്യൻ മുഖ്യ പ്രഭാഷണം നിർവഹിക്കും. ശനിയാഴ്ച 9 മണിക്ക് രജിസ്ട്രേഷൻ ആരംഭിക്കും. ഫാദർ അലക്സാണ്ടർ തന്റെ ആത്മീയ യാത്രയെ കുറിച്ച് പങ്കുവെക്കുന്നതോടൊപ്പം പ്രാർത്ഥന, സംഗീത വിരുന്ന്, ധ്യാനം എന്നിവയുമുണ്ടാകും. കൺവെൻഷൻ പൂർണമായും ഇംഗ്ലീഷിലായിരിക്കും. ഞായറാഴ്ച നടക്കുന്ന വിശുദ്ധ കുർബാനക്ക് ശേഷം ക്രിസ്ത്യൻ പാരന്റിങ്ങ് എന്ന വിഷയത്തിൽ ക്ലാസും നടക്കുന്നതാണ്.