.jpg)
കലഹാരി കണ്‍വന്‍ഷന്‍ സെന്റര്‍: അഭിമാനപൂരിതമായിരുന്നു ആ നിമിഷം, ധന്യത നിറഞ്ഞു നിന്ന മുഹൂര്‍ത്തം. ശക്തമായ ഫിനാന്‍ഷ്യല്‍ മാനേജ്‌മെന്റ് മൂലം മിച്ചം പിടിച്ച ഒന്നരലക്ഷം ഡോളര്‍ നോര്‍ത്ത് ഈസ്റ്റ് ഓര്‍ത്തഡോക്‌സ് അമേരിക്കന്‍ ഭദ്രാസനത്തിന്റെ അഭിമാനസ്തംഭമായ ഹോളി ട്രാന്‍സ്ഫിഗറേഷന്‍ റിട്രീറ്റ് സെന്ററിനു നല്‍കി. ഭദ്രാസന അധ്യക്ഷന്‍ സഖറിയ മാര്‍ നിക്കോളോവോസ് മെത്രാപ്പോലീത്ത സ്‌നേഹപൂര്‍വ്വം ചെക്ക് ഏറ്റുവാങ്ങി. നിറഞ്ഞ കൈയടികളോടെ സദസ്യരും അതേറ്റുവാങ്ങി. ആഹ്ലാദാരവത്തിന്റെ നിമിഷങ്ങളില്‍ സമര്‍പ്പണത്തിന്റെയും സഹനത്തിന്റെയും വിജയമായിരുന്നു ഇത്. ഊണും ഉറക്കവുമില്ലാതെ നടത്തിയ പരിപാടിയുടെ വിജയതിലകമായി മാറി ഈ നേട്ടം. കഴിഞ്ഞവര്‍ഷവും ഒരു ലക്ഷം ഡോളര്‍ കൈമാറിയിരുന്നു. റാഫിള്‍ ടിക്കറ്റ് വിതരണത്തിലൂടെ രണ്ടു ലക്ഷം ഡോളറും സുവനിയര്‍ പരസ്യങ്ങളിലൂടെ 28,000 ഡോളറും ഇത്തവണ നേടാനായി.
Comments