ഡാലസ്: ചെങ്ങന്നൂരിന്റെ സമഗ്ര വികസനത്തിനു വേണ്ടി ചെങ്ങന്നൂര്‍ വികസന അതോറിറ്റി രൂപീകരിക്കണമെന്നു ചെങ്ങന്നൂര്‍ അസോസിയേഷന്‍ ഓഫ് ഡാലസ് ചെങ്ങന്നൂരിലെ സ്ഥാനാര്‍ത്ഥികളോട് ആവശ്യപ്പെട്ടു.
1. ചെങ്ങന്നൂര്‍ ടൗണ്‍ വികസനം
2. ബൈപാസ് റോഡ് നിര്‍മിക്കുക
3. കെഎസ്ആര്‍ടിസി ബസ് സ്റ്റാന്‍ഡ് പുനര്‍നിര്‍മ്മിക്കുക
4. ആധുനിക ഷോപ്പിങ് മാള്‍ നിര്‍മിക്കുക
5. ചെങ്ങന്നൂര്‍ റെയില്‍വേ സ്റ്റേഷനില്‍ ആധുനിക സൗകര്യങ്ങള്‍ ഏര്‍പ്പെടുത്തുക
6. പെരുങ്കുളത്ത് സ്റ്റേഡിയം, ടൗണ്‍ഹാള്‍, കുട്ടികളുടെ പാര്‍ക്ക്, മൂവി തീയേറ്റര്‍ എന്നിവ നിര്‍മിക്കുക
7. ഗവ. ഹാച്ചറിയില്‍ ഗവ. വെറ്റിനറി കോളജ് ആരംഭിക്കുക
8. ഗവ. ഐടിഐയോട് ചേര്‍ന്ന് പോളിടെക്‌നിക്ക് തുടങ്ങുക
9. ലോ. ഹോട്ടല്‍ മാനേജ്‌മെന്റ്, ബിസിനസ് മാനേജ്‌മെന്റ് തുടങ്ങിയ കോഴ്‌സിനുവേണ്ടി പുതിയ കോളജ് ആരംഭിക്കുക.
10. ചെറിയനാട് റെയില്‍വേ സ്റ്റേഷനോട് അനുബന്ധിച്ചുള്ള സ്ഥലത്ത് സൈനിക് സ്കൂള്‍, സൈനിക് ഹോസ്പിറ്റല്‍ തുടങ്ങിയവ ആരംഭിക്കുക.
തുടങ്ങിയ ആവശ്യങ്ങള്‍ നടപ്പിലാക്കണമെന്നു യോഗം ആവശ്യപ്പെട്ടു. യോഗത്തില്‍ പ്രസിഡന്റ് ചെറിയാന്‍ അലക്‌സാണ്ടര്‍ അധ്യക്ഷത വഹിച്ചു. ട്രഷറര്‍ പ്രിന്‍സ് ഏബ്രഹാം നന്ദി രേഖപ്പെടുത്തി.
Comments