ക്വീൻസ് (ന്യൂയോർക്ക്) ∙  നോർത്ത് ഈസ്റ്റ് അമേരിക്കൻ ഭദ്രാസന അധ്യക്ഷൻ സഖറിയാ മാർ നിക്കോളോവോസ് മെത്രാപ്പോലീത്തായുടെ എപ്പിസ്കോപ്പൽ രജത ജൂബിലി ആഘോഷങ്ങളുമായി ബന്ധപ്പെട്ട് ഇടവക സന്ദർശനത്തിന്റെ ഭാഗമായി ഭദ്രാസന കൗൺസിൽ അംഗങ്ങൾ ചെറി ലെയിനിലുള്ള സെന്റ് ഗ്രിഗോറിയോസ് ഇടവക സന്ദർശിച്ചു. ആഘോഷ കമ്മിറ്റി കൺവീനർ ഡോ. ഫിലിപ്പ് ജോർജ്, മറ്റ് കൗൺസിൽ അംഗങ്ങളായ സാജൻ മാത്യു, സന്തോഷ് മത്തായി എന്നിവരാണ് സംഘത്തിൽ ഉണ്ടായിരുന്നത്.

ഇടവക വികാരി ഫാ. ഗ്രിഗറി വർഗീസ് ആമുഖ പ്രസംഗം നടത്തി കൗൺസിൽ  അംഗങ്ങളെ സ്വാഗതം ചെയ്തു. ഇടവക ജനങ്ങൾ  എല്ലാവരും ആഘോഷപരി പാടികളിൽ പങ്കെടുക്കണമെന്ന് ആഹ്വാനം ചെയ്യുകയും ചെയ്തു.

ഡോ. ഫിലിപ്പ് ജോർജ്, സാജൻ മാത്യു എന്നിവർ പരിപാടികളുടെ നടത്തിപ്പിനെക്കുറിച്ച് സംസാരിച്ചു.

ഓഗസ്റ്റ് 26 ഞായർ വൈകിട്ട് 5നു ന്യൂറോഷയിലുള്ള ഗ്രീൻ ട്രീ കൺട്രി ക്ലബ് സമുച്ചയത്തിലാണ് ആഘോഷ പരിപാടികൾ. സഭയുടെ പരമാധ്യക്ഷൻ പരി.  ബസേലിയോസ് മാർത്തോമ്മ പൗലൂസ് ദ്വീതീയൻ കാതോലിക്കാ ബാവാ മറ്റ് മെത്രാപ്പോലീത്തമാർ, എക്യുമിനിക്കൽ പ്രസ്ഥാന വക്താക്കൾ, ഇതര സഭാ നേതാക്കൾ, സാമൂഹ്യ സാംസ്കാരിക അംഗങ്ങളിലെ പ്രമുഖർ തുടങ്ങിയവരൊക്കെ പങ്കെടുക്കും.

വിവരങ്ങൾക്ക് :

ജനറൽ കൺവീനർ ഡോ. ഫിലിപ്പ് ജോർജ് : 646 361 9509

ഭദ്രാസന സെക്രട്ടറി ഫാ. സുജിത് തോമസ് : 516 754 0743