ന്യുയോര്‍ക്ക്: കേരളത്തിലെ പ്രളയ ദുരിതാശ്വാസ പ്രവർത്തങ്ങൾക്ക് കൈത്താങ്ങാകുവാനായി കേരള സമാജം ഓഫ് സ്റ്റാറ്റന്‍ ഐലന്റ് നടത്താനിരുന്ന ഓണാഘോഷപരിപാടികൾ റദ്ദാക്കി.കേരളത്തിലെ ജനങ്ങൾ പ്രളയ ദുരിതത്തിൽ കഴിയുമ്പോൾ ഇവിടെ നാം ഓണം ആഘോഷിക്കുന്നതിൽ ഔചിത്യമില്ലെന്ന തിരിച്ചറിവാണ് ചില നഷ്ടങ്ങൾ സഹിച്ചിട്ടാണെങ്കിൽക്കൂടി ഓണാഘോഷം റദ്ദാക്കാൻ തീരുമാനിച്ചതെന്ന് ഭാരവാഹികൾ പറഞ്ഞു.കേരളത്തിലെ കഷ്ടത അനുഭവിക്കുന്നവർക്കായി  നല്ലവരായ എല്ലാ മലയാളികളും ഉദാരമായി സംഭാവന ചെയ്യണമെന്ന് ഭാരവാഹികൾ അറിയിച്ചു.