You are Here : Home / USA News

ലഹരിയുടെ കേന്ദ്രമായി കണക്റ്റിക്കട്ട് പാർക്കിൽ നിന്നും രണ്ടു ദിവസത്തിൽ പിടിച്ചത് 90 പേരെ

Text Size  

പി .പി .ചെറിയാൻ

p_p_cherian@hotmail.com

Story Dated: Saturday, August 18, 2018 10:48 hrs UTC

കണക്റ്റിക്കട്ട് ∙ ഓഗസ്റ്റ് 15, 16 തിയതികളിലായി കണക്റ്റിക്കട്ട് ന്യുഹെവൻ പാർക്കിൽ നിന്നും സിന്തറ്റിക്ക് കഞ്ചാവ് ഉപയോഗിച്ചു (Synthetic Marijuna) അബോധവസ്ഥയിൽ കഴിഞ്ഞിരുന്ന 90 പേരെ പിടികൂടിയതായി ന്യുഹെവൻ ഫയർ ചീഫ് ജോൺ ആൾസ്റ്റൺ പത്രസമ്മേളനത്തിൽ വെളിപ്പെടുത്തി. ബുധനാഴ്ച മാത്രം 72 പേരെയാണ് ഇവിടെ നിന്നും ആശുപത്രിയിലേക്ക് മാറ്റിയത്. നാലു പേർ ചികിത്സ നിഷേധിച്ചു. വ്യാഴാഴ്ച 19 പേരേയും പിടികൂടി ആശുപത്രിയിൽ പ്രവേശിപ്പിച്ചതായി ന്യുഹെവൻ എമർജൻസി ഓപ്പറേഷൻ ഡയറക്ടർ അറിയിച്ചു.

സിറ്റിയിലെ ഡൗൺ ടൗണിൽ സ്ഥിതി ചെയ്യുന്ന ഏറ്റവും വലിയതാണ് ന്യു ഹെവൻ ഗ്രീൻ പാർക്ക്. K2 പോലുള്ള മനുഷ്യ നിർമിത രാസപദാർഥങ്ങൾ കഞ്ചാവ് ഇലകളിൽ തളിച്ചു. ഇ– സിഗററ്റിലോ, സാധാരണ സിഗററ്റിലോ ഉപയോഗിച്ചാണ് അബോധാവസ്ഥയിലാകുന്നതെന്ന് പൊലീസ് പറഞ്ഞു. ഇവരിൽ നിന്നും പിടികൂടിയ മയക്കു മരുന്ന് രാസപരിശോധനയ്ക്കായി അയച്ചു.

മയക്കു മരുന്നിന്റെ ഉപയോഗം വർദ്ധിച്ചു വരുന്നതിൽ ആശങ്കയുണ്ടെന്ന് ന്യുഹെവൻ മേയർ ടോണി ഹാർവ് പറഞ്ഞു. വ്യത്യസ്ത പ്രായത്തിലുള്ളവരും വിവാദത്തിൽ പെട്ടവരുമാണ് പാർക്കിൽ നിന്നും രണ്ടു ദിവസത്തിനുള്ളിൽ പിടികൂടിയത്. മരണം സംഭവിച്ചിട്ടില്ലെങ്കിലും രണ്ടു പേരുടെ നില ഗുരുതരമാണ്. വ്യത്യസ്ത കാരണങ്ങളാൽ മയക്കു മരുന്നിനടിമകളാകുന്നത് രാജ്യം നേരിടുന്ന വലിയ വിപത്താണെന്നും ചൂണ്ടിക്കാണിക്കപ്പെടുന്നു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More
More From Featured News
View More