You are Here : Home / USA News

വിസ്‌കോണ്‍സിന്‍ സിറോ മലബാര്‍ മിഷനില്‍ തിരുന്നാൾ ജൂണ്‍ 17 ന്

Text Size  

ജോയിച്ചന്‍ പുതുക്കുളം

joychen45@hotmail.com

Story Dated: Sunday, June 10, 2018 03:47 hrs UTC

മില്‍വാക്കി∙ വിസ്‌കോണ്‍സിന്‍ സെന്റ് ആന്റണി സിറോ മലബാര്‍ മിഷനില്‍ വിശുദ്ധ അന്തോണീസിന്റെ പ്രധാന തിരുനാള്‍ ജൂണ്‍ 17-ന് ഞായറാഴ്ച ആഘോഷിക്കും. രണ്ടുമണിക്ക് മില്‍വോക്കി സെന്റ് തെരേസാ (9525 W Blue Mound Rd, Milwaukee, WI 53226) പള്ളിയില്‍ നടക്കുന്ന ആഘോഷപൂര്‍വ്വമായ തിരുനാള്‍ കുര്‍ബാനയ്ക്കും തിരുകര്‍മ്മങ്ങള്‍ക്കും ചിക്കാഗോ രൂപതാ മെത്രാന്‍ മാര്‍ ജേക്കബ് അങ്ങാടിയത്ത് മുഖ്യ കാര്‍മികത്വം വഹിക്കും. മിഷന്‍ ഡയറക്ടര്‍ ഫാ. ആന്റണി പ്രൈമല്‍, ഫാ തോമസ് മണിയമ്പ്രായില്‍, വിസ്‌കോണ്‍സിലിനിലെ സിറോ മലബാര്‍ വൈദീകര്‍ എന്നിവര്‍ സഹകാര്‍മികരായിരിക്കും. വി. കുര്‍ബാനയ്ക്കുശേഷം ലദീഞ്ഞ്, പ്രദക്ഷിണം, കലാപരിപാടികള്‍, സ്‌നേഹവിരുന്ന് എന്നിവയുണ്ടായിരിക്കും.

വിസ്‌കോണ്‍സിന്‍ സിറോ മലബാര്‍ മിഷന്റെ ആഭിമുഖ്യത്തില്‍ 2008-ല്‍ ആരംഭിച്ച വി. കുര്‍ബാനയുടേയും സിസിഡിയുടേയും ദശവത്സര വാര്‍ഷിക വേളയില്‍ സെന്റ് തെരേസാ പള്ളിയില്‍ വിപുലീകരിച്ച ദൈവാലയ സംവിധാനത്തില്‍ നടത്തുന്ന പ്രധാന തിരുനാളാണിത്. സിറോ മലബാര്‍ റീത്തില്‍ വി. കുര്‍ബാന എല്ലാ ഞായറാഴ്ചയും 2 മണിക്കും, സിസിഡി 3 മണിക്കും മാസാദ്യ വെള്ളിയാഴ്ചകളില്‍ വി. കുര്‍ബാനയും തുടര്‍ന്ന് ആരാധനയും വൈകിട്ട് 7 മണിക്കും നടത്തപ്പെടുന്നു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More
More From Featured News
View More