You are Here : Home / USA News

കെ. എച്ച്. എന്‍. എ കണ്‍വെന്‍ഷന്‍: മേളപ്പെരുക്കത്തിന് പല്ലാവൂര്‍ സംഘവും, കലാമണ്ഡലം ശിവദാസും

Text Size  

Story Dated: Monday, August 19, 2019 10:57 hrs EDT

ശ്രീകുമാര്‍ പി
 
 
 
ന്യൂജേഴ്‌സി: കേരള ഹിന്ദൂസ് ഓഫ് നോര്‍ത്ത് അമേരിക്കയുടെ പത്താമത് കണ്‍വെന്‍ഷന് മേളക്കൊഴുപ്പേകാന്‍ പല്ലാവൂര്‍  സംഘവും, കലാമണ്ഡലം ശിവദാസും എത്തും. വാദ്യലോകത്തെ പല്ലാവൂര്‍  ശൈലിയുടെ ഇളമുറക്കാരന്‍  പല്ലാവൂര്‍ ശ്രീധരന്റെ നേതൃത്വത്തിലുള്ളസംഘമാണ് ആഗസറ്റ് 30 മുതല്‍ സെപ്റ്റംബര്‍ 2 വരെ ന്യൂജേഴ്‌സിയിലെ ചെറിഹില്‍ ക്രൗണ്‍ പ്ലാസ ഹോട്ടലില്‍ നടക്കുന്ന  കണ്‍വന്‍ഷനില്‍ പഞ്ചാരി മേളവുമായി എത്തുക.
 
പല്ലാവൂര്‍  ത്രയത്തിലെ മണിയന്‍ മാരാരുടെ മകനായ  ശ്രീധരന്‍ രാജ്യത്തിനകത്തും പുറത്തും നിരവധിതവണ പഞ്ചവാദ്യം അവതരിപ്പിച്ചിട്ടുണ്ട്. കേരളത്തിലെ പ്രമുഖ പൂരങ്ങള്‍ക്കും വേലകള്‍ക്കും പ്രമാണിയായ പഞ്ചവാദ്യലോകത്തെ ഈ യുവതാരത്തിന്റെ മേളപ്പെരുക്കം കണ്‍വന്‍ഷന്റെ ശോഭ കൂട്ടും. ശ്രീധരന്റെ ഇളയ സഹോദരന്‍ ശ്രീകുമാറും, ചെണ്ടമേളത്തിലെ പ്രധാനി കലാമണ്ഡലം ശിവദാസും സംഘത്തിലുണ്ടാകും.
 
 മനോജ് കുളങ്ങാട്ട്, പല്ലശന ശ്രീജിത്ത് മാരാര്‍, രെജിത്ത് മാരാര്‍, രാജേഷ് നായര്‍, രാജേഷ് കുട്ടി എന്നിവരാണ് സംഘത്തിലെ മറ്റ് അംഗങ്ങള്‍.
 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More