You are Here : Home / USA News

ടേസ്റ്റ് ഓഫ് കേരള - കേരളീയ രുചിക്കൂട്ടുകളുടെ സംഗമം ഓഗസ്റ്റ് 18-ന് ഷിക്കാഗോയില്‍

Text Size  

ജോയിച്ചന്‍ പുതുക്കുളം

joychen45@hotmail.com

Story Dated: Saturday, August 10, 2019 07:05 hrs EDT

ജോയിച്ചന്‍ പുതുക്കുളം
 
ഷിക്കാഗോ: കേരളത്തിന്റെ പാരമ്പര്യ രുചികളുമായി ആദ്യത്തെ "ടേസ്റ്റ് ഓഫ് കേരള' ഓഗസ്റ്റ് 18-ന് ഷിക്കാഗോയില്‍ നടക്കുന്നു. പ്രവാസികള്‍ക്കു ഗൃഹാതുരത്വമുണര്‍ത്തുന്നവയാണ് അമേരിക്കയില്‍ സുലഭമായി ലഭിക്കാത്ത പല കേരളീയ വിഭവങ്ങളും. അത്തരം വിവിധയിനങ്ങളുമായി ടേസ്റ്റ് ഓഫ് കേരള സംഘടിപ്പിക്കുന്നത് എന്‍.എസ്.എസ് ഓഫ് ഷിക്കാഗോ ആണ്. ഷിക്കാഗോയിലും പരിസരങ്ങളിലുമുള്ള ആറോളം റസ്റ്റോറന്റുകളും നിരവധി പാചകവിദഗ്ധരായ വീട്ടമ്മമാരും ഈ രുചിമേളത്തില്‍ വിഭവങ്ങള്‍ തയാറാക്കും. 
 
എല്‍ക് ഗ്രൂവ് വില്ലേജിലെ ബുസി വുഡ്‌സ് പാര്‍ക്കില്‍ വച്ചു ഓഗസ്റ്റ് 18-ന് ആണ് ടേസ്റ്റ് ഓഫ് കേരള. ഇവിടെയെത്തുന്നവര്‍ക്ക് ബോട്ടിംഗ്, കയാക്കിംഗ് മുതലായവയും ആസ്വദിക്കാം. കുട്ടികള്‍ക്കായി ഫേസ് പെയിന്റിംഗ്, ബലൂണ്‍ ട്വിസ്റ്റിംഗ് മുതലായ പരിപാടികളും ഉണ്ടാകും. 
 
തനി നാടന്‍ വിഭവങ്ങളുടെ ഒരു നീണ്ട നിരതന്നെ ഒരുക്കുന്നുണ്ട് സംഘാടകര്‍. ഈ സംരംഭത്തില്‍ നിന്നും ലഭിക്കുന്ന വരുമാനത്തിന്റെ നല്ലൊരു പങ്ക് വിവിധ ചാരിറ്റി പ്രവര്‍ത്തനങ്ങള്‍ക്കുവേണ്ടി വിനിയോഗിക്കും. കൂടുതല്‍ വിവരങ്ങള്‍ക്ക്: www.nssofchicago.org സുജിത് കെന്നോത്ത് (513 846 6901), സതീഷ് കുമാര്‍ (773 769 7289).

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More
More From Featured News
View More