You are Here : Home / USA News

ചിക്കാഗോ സെന്റ് മേരിസില്‍ പത്തിന്റെ നിറവിലെ യൂത്തിന്റെ ഒത്തുചേരല്‍ ആവേശോജ്വലമായി

Text Size  

Story Dated: Wednesday, July 10, 2019 07:55 hrs EDT

ജോയിച്ചന്‍ പുതുക്കുളം
 
ചിക്കാഗോ: ദശവത്സര ആഘോഷങ്ങള്‍ക്കായി ഒരുങ്ങികൊണ്ടിരിക്കുന്ന   മോര്‍ട്ടന്‍ ഗ്രോവ് സെന്റ് മേരീസ് ക്‌നാനായ കത്തോലിക്കാ ദേവാലയത്തില്‍ പത്തിന്റെ നിറവില്‍ യുവജനങ്ങള്‍ ഒത്തുചേര്‍ന്നു . ആഗോള യുവജന ദിനമായി ആഘോഷിച്ച ജൂലൈ ഏഴാം തീയതിയാണ് സെന്റ് മേരീസിലെ യുവജനങ്ങള്‍ ഒത്തുചേര്‍ന്നത് . രാവിലെ പത്തുമണിക്ക് യുവജനങ്ങളുടെ കാഴ്ച സമര്‍പ്പണത്തോടെ ആരംഭിച്ച ദിവ്യബലിയില്‍ കൊഹിമ രൂപത ബിഷപ്പ് മാര്‍ ജെയിംസ് തോപ്പില്‍ മുഖ്യ കാര്‍മ്മികന്‍ ആയിരുന്നു . 
 
ഇടവക വികാരി ഫാ . തോമസ് മുളവനാല്‍ , ഫാ. ബിബി തറയില്‍ എന്നിവര്‍ സഹകാര്‍മികര്‍ ആയി . വിശുദ്ധ കുര്‍ബാനയ്ക്കുശേഷം ബ്രദര്‍ സാബു അറുതൊട്ടിയില്‍ യുവജന സന്ദേശം നല്‍കി . യുവജനങ്ങളുടെ നേതൃത്വത്തില്‍ നടത്തിയ കാര്‍ വാഷും സ്‌നേഹകൂട്ടായ്മയും ഡിജെ യും സ്‌നേഹവിരുന്നും യുവജനാഘോഷങ്ങള്‍ക്ക് ചാരുത പകര്‍ന്നു . യൂത്ത് മിനിസ്ട്രിയും കെ സി വൈ എല്ലും യുവജനവേദിയും സംയുക്തമായാണ് യുവജനാഘോഷങ്ങള്‍ സംഘടിപ്പിച്ചത് . അസിസ്റ്റന്റ് വികാരി ഫാ. ബിന്‍സ് ചേത്തലിലും ഇതര ഭാരവാഹികളും പാരിഷ് എക്‌സിക്യൂട്ടീവും പ്രോഗ്രാമുകളുടെ ക്രമീകരണങ്ങള്‍ക്ക് നേതൃത്വം നല്‍കി.
           

സ്റ്റീഫന്‍ ചൊള്ളമ്പേല്‍ (പി.ആര്‍.ഒ) അറിയിച്ചതാണിത്. 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More