You are Here : Home / USA News

ഒളിമങ്ങാത്ത ഓർമകളുമായി പൂർവ വിദ്യാർത്ഥി സംഗമം

Text Size  

Jeemon Ranny

jeemonranny@gmail.com

Story Dated: Tuesday, January 08, 2019 04:16 hrs EST

ഹൂസ്റ്റൺ: തൃശൂർ ശ്രീ കേരളവർമ്മ 1974-1977 ബി.എസ്. സി ഫിസിക്സ് ബാച്ച് പൂർവവിദ്യാർത്ഥികളുടെ സംഗമം തൃശൂരിൽ സംഘടിപ്പിച്ചു.

തൃശൂർ മോത്തിമഹൽ കോൺഫറൻസ് ഹാളിൽ ജനുവരി 5നു ശനിയാഴ്ച രാവിലെ 10 മുതൽ ആരംഭിച്ച വിദ്യാർത്ഥി സംഗമത്തിൽ റിട്ടയേർഡ് നേവി ഉദ്യോഗസ്ഥനും പൂർവവിദ്യാർത്ഥിയുമായ ശശിധരൻ അദ്ധ്യഷത വഹിച്ചു. സുകുമാരൻ സ്വാഗതമാശംസിച്ചു.

തുടർന്ന് യു,എസ്.എ യിൽ നിന്നും എത്തിച്ചേർന്ന പൂർവവിദ്യാർത്ഥിയും പ്രമുഖ മാദ്ധ്യമ പ്രവർത്തകനുമായ പി.പി. ചെറിയാൻ അദ്ധ്യാപകർക്കു പൂച്ചെണ്ട് നൽകി സ്വീകരിച്ചു. റിട്ട.പ്രൊഫസർ സി. ഗോവിന്ദൻകുട്ടി, പ്രൊഫ.രമണി ഭായ്, പ്രൊഫ.ശ്രീദേവി, പ്രൊഫ. സരസ്വതി എന്നിവർ ആശംസകൾ അറിയിച്ചു.

സംഗീത വിദ്വാൻ മുരളീധരൻ തന്റെ സംഗീത ഉപകരണത്തിൽ വായിച്ച തൃശൂർ പൂരത്തിന്റെ പ്രസിദ്ധമായ പഞ്ചവാദ്യം ഏറ്റവും ആകർഷകമായിരുന്നു. തുടർന്ന് നടന്ന കലാപ്രകടനത്തിൽ ഉഷാദേവി, ശങ്കരനാരായണൻ, ഓമന തുടങ്ങിയവർ പങ്കെടുത്തു.

സംഗമത്തിൽ പങ്കെടുത്തവർ തങ്ങളുടെ ഊഷ്മളമായ പൂർവകാല സ്മരണകൾ പങ്കുവച്ചു. ഭാഭാ അറ്റോമിക് റിസർച്ച് സെന്റർ റിട്ട. സയന്റിസ്റ് രത്നകല നന്ദി പ്രകാശിപ്പിച്ചു.

ടി.വി.ശങ്കരനാരായണൻ എം.സി.യായിരുന്നു. വിഭവസമൃദ്ധമായ ഉച്ച ഭക്ഷണത്തോടെ സംഗമം സമാപിച്ചു.

റിപ്പോർട്ട് : ജീമോൻ റാന്നി

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From USA News
More
View More